سہاسنی منی رتنم

سہاسنی منی رتنم
(تمل : சுஹாசினி மணிரத்னம்)
معلومات شخصیت
پیدائشی ناں	سُہاسنی چاروہاسن Suhasini Charuhasan
ڄمݨ	(1961-08-15) 15 اگست 1961 چنائے، تمل ناڈو، بھارت
رہائش	الوار پیٹ، چنائے، بھارت
شہریت	بھارت
مذہب	ملحد
شریک حیات	منی رتنم (1988–تاحال)
اولاد	شراون
پیو	چاروہاسن
عملی زندگی
مادر علمی	ادیار فلم انسی ٹیوٹ
پیشہ	اداکارہ، فلم ہدایتکار، فلمساز، مصنفہ
پیشہ ورانہ زبان	ملیالم ،  تمل ،  انگریزی ،  کنڑ زبان ،  تیلگو
دور فعالیت	1980–تاحال
اعزازات
قومی فلم اعزاز برائے بہترین اداکارہ (برائے:سندھو بھیروی (فلم) ) (1986) فلم فیئر اعزاز جنوبی نندی اعزازات
	IMDB پر صفحہ

سُہاسِنی مَنی رَتنم جیہڑی سہاسنی دے ناں نال وی سنڄاتی ویندی ہن، ہک بھارتی فلمی اداکارہ ہن جیہڑی تمل، تیلگو، ملیالم تے کنڑ فلمیں وچ اپݨی اداکاری دے کیتے سنڄاتی ویندی ہے۔ انہاں نے 1980ء وچ تمل فلم "نینجاتھائی کلاتھ" نال فلمی آغاز کیتا، جیند ے کیتے انہاں کوں تمل ناڈو اسٹیٹ فلم ایوارڈ برائے بہترین اداکارہ ݙتا ڳیا۔ سہاسنی نے 1986ء وچ تمل فلم "سندھو بھاروی" دے کیتے قومی فلم ایوارڈ برائے بہترین اداکارہ جِتیا ہئی۔

ابتدائی زندگی

سہاسنی 15 اگست 1961ء کوں بھارتی ریاست تمل ناڈو دے پیرماکوڈی وچ اداکار تے وکیل چارہاسن تے کمالام دے گھر پیدا تھئی۔ سہاسنی اپݨے ماء پیو دیاں ترائے دھیریں وچوں وچلی اولاد ہن۔ انہاں دی ہک بھیݨ نندنی ہک ڈاکٹر ہن، جبکہ ݙوجھی بھیݨ سبھاسنی انگریزی ادب دی تعلیم ݙیندی ہے۔ انہاں دے پیو دے نکے بھرا، پروڈیوسر چندرہاسن تے اداکار سیاست دان کمل ہاسن سمیت خاندان دے کئی افراد تمل سنیما انڈسٹری وچ کم کریندے ہن۔

فلمی زندگی

سہاسنی نے تیلگو، ملیالم، تمل تے کنڑ فلموں وچ اداکاری کیتی ہے۔

ٻئے کم

سہاسنی تے انہاں دے پئے مانی رتنم 1997ء توں اپݨی پروڈکشن کمپنی "مدراس ٹاکیز" چلیندے پئے ہن۔ 1998ء وچ، سہاسنی نے تفریحی پورٹل "تامل ٹالکیز ڈاٹ (TamilTalkies.com)" قائم کیتا، جیہڑا تامل سنیما نال تعلق رکھݨ آلیاں خبراں کوں لوکاں تک پُڄاوݨ آلا پہلا انٹرنیٹ پورٹل ہئی۔

سہاسنی کوں ملک لکسمبرگ دے اعزازی کونسل دے کیتے نامزد کیتا ڳیا ہئی۔

ذاتی زندگی

سہاسنی نے فلم ڈائریکٹر مانی رتنم نال 1988ء وچ شادی کیتی تے ایں جوڑے دا ہک پُتر ہے جیندا ناں نندن ہے تے اوہ 1992ء وچ پیدا تھیا۔