سگریٹ وی کیا شے ہے
سگریٹ وی کیا شے ہے یاراں نال گپ شپ اچ پیوو تاں اے تہاڈے گپاں اچ شریک اے. تہاڈے نال کھل مذاق کریسی. ہیندا دھواں ٹھکارے مار تے کھلسی. ایویں کلھے بہہ تے پیسو تے اے تہاڈے نال دکھ سکھ ونڈیسی. تہاڈے نال روا گھنسی ایویں لگسی جو ہیندا دھواں ڈسکیاں بھر بھر روندا پئے. ول جے اپنڑے وچھڑیے سجنڑ کوں یاد کرنڑے تے کلھے تھی ونجو اے تہاکوں دھوئیں اچ زیارتاں کرا ڈیوے جے پڑھائی اچ دل نہی پیا لگدا تے ہک سوٹا چھکو ول ڈیکھو کمال.. اے آپ پڑھاوے تہاکوں اصل اچ نا اے نشہ اے نا کجھ بس اندر دے انسان کوں مطمئن کرنڑ اے جو میں خود کوں تباہ کریندا پیاں عشق اچ. جے ہووے تاں. فیشن آلی سگریٹ دا میں نہی آہدا میکوں تاں ہنڑ ای ہر کش تےاو پہلا کش یاد آندے جیرھا اوندے ناں تے بھریا ہئی ول عادت لگ گئی. بس خود کوں مطمئن کرنڑ اے جو تباہ تھیسوں جلدی نکلسوں اتھو ہنڑ ای دوستاں اچ بھانویں ڈبی مکا ڈیویجے نا چس اندی اے نا سکون. کلھے بہہ کے یار دی مونجھ اچ کئی ڈکھی گاونڑ لاتے یا ول چن دی چٹی رات اچ گاونڑ سنڑ تے ہکی سگریٹ نال تہاکوں ایویں لگسی جیویں بھری ہوئی پیتی وے. لوک اصل اچ آسرا چاہندن. اتلا ڈپریشن اے جو کہیں نال الا نہی سگدے ہناں دا آخری سہارا سگریٹ اے تے میڈا وی۔ ایل ایل سرکار