سگریٹ دی شعاع

میکوں اُستاد دیاں ڳالھیں چنگیاں لڳدین جو اُستاد جیویں شاعری کریندن او نویں آپ ہن ۔ انہاں لکھیا جو میں مُڑی کوں ٻیٹھا رونداں توں آکھدیں وہاج کیݙے ڳیا ، میں ݙٹھا جو اُستاد کہیں دا پیسے دا حق وی نہ مریندے ہن اُنہاں وچ لالچ ، لوبھ کائناں ہا ماسوائے سگریٹ دے کوئی نشہ نہ کریندے ہن ، سگریٹ وی اپݨی اوقات دا پیندے ہَن ، سستا سگریٹ ہوندا ہا ، گولڈ لیف کوں کݙاہیں ہتھ نہ لاتا ہا ۔ رات کوں ڈھیر دیر لکھدے پڑھدے ہن ، بجلی نہ ہووے ہا تاں چمنی ، لالٹین تے گزارہ کریندے ہن ، چمنی ءِچ تیل مُک ونڄے ہاں تاں سگریٹ دے شعاع تے وی شعر لکھ گھندے ہن ۔

حوالہ

کتاب "قیس فریدی ۔ فن شخصیت اَتے شاعری "  ترتیب پیشکش  : مہر حامد علی شاکر سیال ، ناشر جھوک پبلشرز ، ملتان