سکھر آلے دھریجے

اونویں  تاں  دھریجے سندھ ءِچوں  آئے ہن ، سارا سندھ دھریجیں  نال بھریا پے ، پر ترائے چار سوسال دا عرصہ گزریا پے ، سندھ آلے دھریجیں  نال سکاوت تے رشتے داری نی رہ سڳی ، پر ہک جھڳا دھریجہ نگر ءِچوں  1973ء دے سیلاب دے بعد سکھر ڳیا ہا ۔ اے جھڳا خدا بخش دھریجہ دا ہا ، اوندے پتریں  دا ناں جمال دین ، اللہ ݙتہ ، قاسم خان ، جان محمد ، غلام نبی تے فقیر حسین ہا ۔ اے سارے فوت تھی ڳن ، ہݨ اُنہاندے اولادیں  دیاں  اولاداں  ہن ۔ اکثرا واپس لݙ آئن ۔اُنہاں  ءِچوں  جان محمد دا ٻال کاریں  دا کاروبار کریندے ۔ رحیم یارخان ءِچ شو روم اے، اللہ ݙتہ دا پُتر طاہر جیل اِچ ڈھکیا پے ، ہک نشوم ٻالڑی کوں  اغوا کرکے قتل کیتا ہس تے اپݨی بعاجیرھی جو فخری صیب دی گھر آلی ہئی کوں  سونے دیاں  والیاں  لہا تے قتل کیتا ہس، شیت نشئی تے جواری ہے ۔ اے دھریجے سکھری سݙیندے ہپن تے ہنائیں سکاوت سمے دے ویہڑے تے پلو شاہ آلے دھریجیں  نال ہے۔

حوالہ

کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان