سکن٘در مرز

سکن٘در علی مرزا ہک پاکستانی فوجی جنرل تے سیاستدان ہا۔ سکن٘در مرزا 1955 کنوں 1956 تئیں پاکستان دا چوتھا گورنر جنرل تے ول 1956 کنوں 1958 تئیں اسلامی جمہوریہ پاکستان دا پہلا صدر ہا۔ گورنر جنرل سکن٘در مرزا 13 نومبر 1899 کوں پچادھی بن٘گال دے شہر مرشد آباد وچ پیدا تھیا۔ سکن٘در مرزا ہن٘دوستانی فوج وچ بھرتی تھیا ول انڈین پولیٹیکل سروس وچ شامل تھیا تے بطور سیاسی ایجن٘ٹ کم کیتا۔ پاکستان دے وزیر اعظم لیاقت علی خان مرزا کوں پہلا سیکرٹری دفاع مقرر کیتا۔ گورنر جنرل ملک غلام دی برطرفی دے بعد سکن٘در مرز گورنر جنرل بݨ ڳیا۔ 1956 وچ پاکستان دا پہلا آئین بݨیا تاں مرزا پاکستان دا پہلا صدر بݨ ڳیا۔ سکن٘در مرزا 8 اکتوبر کوں اپݨی پارٹی دی حکومت دے خلاف مارشل لا نافذ کر تے آئین معطل کر ݙتا۔ صرف ݙو سالہاں وچ چار وزیر اعظم برطرف کیتے۔ بعد وچ جنرل ایوب خان 1958 وچ سکن٘در مرزا کوں برطرف کر ݙتا۔ پاکستان وچ جمہوریت کوں کمزور کرݨ واسطے مرزا سکن٘در کوں ذمہ وار ڄاتا وین٘دے۔ 1969 وچ لن٘دن وچ سکن٘در مرزا فوت تھیا تے او ایران وچ دفن ہے۔