سٹینلے کوہن

سٹینلے کوہن

(Stanley Cohen The Explorer of Nerve and Skin Growth)

سٹینلے کوہن ہک امریکی بائیو کیمسٹ ہن جنہاں کوں ریٹا لیوی مونٹالکینی دے نال مل تے 1986 وچ نرو گروتھ فیکٹر (nerve growth factor) کوں الگ تھل کرݨ تے ایپیڈرمل گروتھ فیکٹر (epidermal growth factor) دی دریافت تے فزیالوجی یا میڈیسن دا نوبل انعام ݙتا ڳیا ۔ او فروری 2020 وچ 97 سال دی عمر وچ فوت تھئے ۔

ابتدائی زندگی تے تعلیم

سٹینلے کوہن 17 نومبر 1922 کوں بروکلین ، نیو یارک وچ پیدا تھئے ۔ انہاں دے والدین پولش یہودی ہن ۔ کوہن ابتدائی تعلیم نیو یارک وچ حاصل کیتی تے بعد وچ بروکلین کالج توں بی اے دی ڈگری حاصل کیتی ۔ سائنس نال انہاں دی دلچسپی اینہی دور وچ ودھݨ لڳی ۔

سائنسی سفر دا آغاز

بی اے مکمل کرݨ توں بعد ، کوہن کولمبیا یونیورسٹی کالج آف فزیشنز اینڈ سرجنز وچ داخلہ گھدا تے بائیو کیمسٹری وچ پی ایچ ڈی دی ڈگری حاصل کیتی ۔ پی ایچ ڈی مکمل کرݨ توں بعد ، کوہن کجھ عرصہ مختلف یونیورسٹیاں وچ پوسٹ ڈاکٹریٹ فیلوشپ تے تحقیق کریندے ریہے ۔ ول او وینڈربلٹ یونیورسٹی وچ بطور پروفیسر کم شروع کیتا ۔

نرو گروتھ فیکٹر تے ایپیڈرمل گروتھ فیکٹر

کوہن دی سب توں اہم تحقیق نرو گروتھ فیکٹر (nerve growth factor - NGF) تے ایپیڈرمل گروتھ فیکٹر (epidermal growth factor - EGF) تے ہئی ۔ انہاں ریٹا لیوی مونٹالکینی دے نال مل تے NGF دریافت کیتا ، جیڑھا اعصاب دی نشوونما کیتے ضروری ہے ۔ انہاں ای جی ایف وی دریافت کیتا ، جیڑھا جلد دی نشوونما کیتے ضروری ہے ۔

نوبل انعام

1986 وچ سٹینلے کوہن تے ریٹا لیوی مونٹالکینی کوں "نرو گروتھ فیکٹر دی دریافت کیتے فزیالوجی یا میڈیسن دا نوبل انعام ݙتا ڳیا ۔

مہاندرے سائنسدان دی حیثیت نال سنڄاݨ

سٹینلے کوہن ہک عظیم سائنسدان ہن جنہاں بائیو کیمسٹری دے شعبے وچ اہم کردار ادا کیتا ۔ انہاں دی تحقیق نال اعصاب تے جلد دی نشوونما کوں سمجھݨ وچ ٻہوں مدد ملی ہے ۔

وفات

سٹینلے کوہن 5 فروری 2020 کوں امریکہ وچ فوت تھئے ۔ او ایں جہان توں جھوک لݙا ڳئے ، پر انھاں دی تحقیق ہمیشاں سائنسداناں کوں روشنی ݙیندی راہسی ۔