سُدھ سار
تاریخی،تحقیقی،نظریاتی مجلہ 3ماہی
سدھ سار
چیف ایڈیٹر:محمداعظم سعیدی چیئرمین سرائیکی قومی موومنٹ
ترتیب :سیف اللہ بیقرار ملا نہ صدر سرائیکستان قومی موومنٹ
__________
جام محمد شبیر مرحوم بارے تعزیتی ریفرنس
[لکھو | ماخذ وچ تبدیلی کرو]رپورٹ : ملک سعید احمد
سرائیکی ادبی سنگت پاکستان دے سابق صدر، کراچی وچ سرائیکی قومیتی تحریک دے
موہری اگوان ، سرائیکی دھرتی ، سرائیکی زبان ، دھرتی وَسَندڑاں دے حق حقوق سانگے ، جسمانی
، دماغی روحانی جد و جہد کرݨ آلا ، روہی دی ونڈ ولھا سرائیکیاں دی غربت تے بے روزگاری
کوں ڈیکھ مونجھا ماندا رہݨ آلا ، سرائیکی دے ناں تے دھن دولت لُٹاوݨ آلا ، سرائیکی پارٹیں،
تنظیمیں دی مالی مدد کرݨ آلا ، سنگت نبھاوݨ آلا ، یاریں دایار مٹھا من ٹھار، سوہݨا سجن جام محمد شبیر
ساری سنگت کوں روندا، نیر وہیندا ، چھوڑ ، بن مُکلائے ۱۹ اکتوبر ۲۰۰۸ کوں اڳلی دنیاٹُر ڳے ،
سرائیکی ادبی سنگت جام محمد شبیر مرحوم دے مُکاݨ گھنݨ سانگھے ۲۹ نومبر کوں سوسائیٹی آفیسرز
کلب کشمیر روڈ تے ٦ وجے نماشاں ویلے مُکاݨ ،تَݙے تے سنگت کوں آوݨ دی دعوت ݙتی ،
۲۹ نومبر ۲۰۰۸ کوں شام 4 وجے کنوں بھانویں جو کراچی وچ لہو رنگ ہولی دامُنڈھ ٻَدھیج گیا ہا
تے کئی علاقے بند تھی ڳئے ہَن ، وت وی اساݙے انتظام کنوں ودھ مُکاݨی بھر ا کٹھے تھی ڳے ہَن ،
ایں تعزیتی ریفرنس سانگے منچ سیکریٹری دے فرائض سئیں ملک سعید احمد تے سئیں شہاب اقبال
اویسی انجام ݙتے ، مزید تفصیل بیٹھ ریت ءِ اقبال اویسی دے سپر د کر ݙتا ۔
شہاب اقبال اویسی نے سب توں پہلے سرائیکی ادبی سنگت دے سابق صدر حفیظ
اللہ چوہان کوں گالھ مہاڑ دی دعوت ݙتی ، انہاں ڄام شبیر مرحوم نال اَپݨے تعلقات، مراسم ، اتے
انہاندے اخلاقی، معاملاتی رویاں بارے ڳالھ مہاڑ کیتی اتے سرائیکی ادبی سنگت دے حوالے
نال انہاندے پاݨی دا ذ کر کیتا ، انہاندے بعد علامہ محمد اعظم سعیدی کوں سݙیا گیا ، علامہ سعیدی
پہلے کنوں طے تحصیل پروگرام مطابق اپنی تقریر اردو وچ شروع کر یندیں ہوئیں آکھیا جو اَڄ دے
ایں مُکاݨ کٹھ وچ ڄام مرحوم دے ڈھیر سارے اردو، میمنی ، براہوی، سندھی ، بلوچی تے پشتو
الاوݨ آلے سنگتی موجود ہن تہوں اج دی ڳالھ مہاڑ کوں سمجھاوݨ تے ڄام شبیر مرحوم دی سُڄاکی
سوچ کنوں سونہاں کرݨ سانگے چھڑا میں اردو وچ ڳالھ مہاڑ کر یساں تاں جو مختلف اخبارات
تے چینلز دے صحافی وی سُݨ سمجھ خبراں بݨا سڳن ، علامہ سعیدی آکھیا جو ڄام شبیر جینویں کاروباری
دنیا وچ اپݨی ذہانت کوں منوائے اینویں ادبی ، سیاسی ، سوچ ،فکر ، کوں وی منوائے ،سرائیکی ادبی
سنگت دے منشور ٹھہاوݨ وچ انہاندے مشورے انہاندی سوچ دے نشابر نشان ہن ، انہاں
آکھیا جو جیر ھلے جنرل ضیاء الحق ، نواز شریف، تے جنرل پرویز دے دور وچ روہی دھرتی کوں
کروڑ پتی جرنیلیں تے پنجاپی سیاسی وڈیریں وچ بطور رشوت ونڈیا گیا ، روہی دے اصل
وسݨیکوں دھرتی کنوں محروم رکھݨ سانگے ضیاء الحق فیملی لاء لاگو کر تے پنجاپیں دی اباد کاری