سوڑیں
اساں اے وی ݙٹھے جو بھانجی ءِچوں عورتاں پھٹیاں بچیندیاں ہن ، پیوے کڈھ تے کپاہ کوں چرکھے تے کتیا ویندا ہا ، پولی توں کپڑا بݨوا تے چھینبا لوایا ویندا ہا ۔ اوں ویلے استعمال دے علاوہ صندوق ءِچ وی گندیاں سوڑیں تے سرانڑیں وادھو ہوندے ہن ۔ شادی یا مزمان آوݨ تے صندوق کھلدی ہئی ۔ شادی آلے ہر گھر ءِچوں کھٹ تے بسترا گھندے ہن ۔ کھٹوں بھڄ وی پمدین تے بسترے گم وی تھیندے ویندن ۔ عورتاں کھپدیاں تاں ہن پر صبر کر ویندین ۔ سوڑیں سیوݨ سانگے موٹی سوئی تے موٹا دھاڳہ کم اَمدے ، وستی دیاں عورتاں رَل تے سوڑیں سیندیاں ہن۔
حوالہ
[لکھو | ماخذ وچ تبدیلی کرو]کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان