سونی تارا پور والا

سونی تارا پور والا
معلومات شخصیت
پیدائش	سنہ 1957ء (عمر 67–68 سال)  ممبئی
شہریت	بھارت
عملی زندگی
مادر علمی	ہارورڈ یونیورسٹی ٹیش اسکول آف دی آرٹس
پیشہ	منظر نویس ،  فلمی ہدایت کارہ ،  فوٹوگرافر ،  فوٹوگرافر صحافی
پیشہ ورانہ زبان	ہندی
شعبۂ عمل	عکاسی
اعزازات
فنون میں پدم شری
ویب سائٹ
ویب سائٹ	باضابطہ ویب سائٹ
	IMDB پر صفحہ

سونی تارا پور والا (پیدائش 1957) ہِک بھارتی فوٹوگرافر، منظر نگار تے فلمساز ہِن۔ اُنھاں نے "میسیسیپی مسالا"، "دی نیمسیک" تے آسکر کِیتے نامزد "سلام بومبے" دی منظر نگاری کِیتی ہئی۔ اِنہاں سب دی ہدایتکارہ میرا نائر ہَن۔ اُنھاں نے روہنٹن مستری دے ناول "سچ اے لانگ جرنی" (2000) کوں وی فلم دی کہانی وچ ڈھالا۔ "ڈاکٹر باباصاحب امبیڈکار" اُنھاں دی ہدایتکاری وچ بݨݨ والی پہلی فلم ہئی۔ "لٹل زیزو" دے نال نال اُنھاں دی تازہ ترین فلم "یہ بیلے" (2020) جو بنیادی طور تے نیٹ فلکس کِیتے بݨی اِس فلم دی کہانی وی اُنھاں نے لکھّی تے پھر اِس دی ہدایتکاری وی اُنھاں نے خود ہی کِیتی۔

ابتدائی زندگی تے تعلیم

تارا پور والا 1957ء وچ بھارت دے شہر ممبئی وچ ہِک پارسی خاندان وچ پیدا تھئِیاں۔ اُنھاں نے ابتدائی اسکول دی تعلیم کوئین میری اسکول ممبئی توں مکمل کِیتی۔ اُنھاں کوں انڈر گریجویٹ پروگرام کِیتے ہاورڈ یونیورسٹی وچ پڑھݨ کِیتے وظیفہ مِلیا۔ اگرچہ اُنھاں نے انگریزی تے امریکی ادب وچ گریجوئیشن کِیتی لیکن اِس دے نال نال اُنھاں نے فلم نال تعلق رکھݨ والے بے شمار کورس کِیتے تے الفریڈ گزیٹی توں فلم سازی دا وی کورس کِیتا۔ اِس دوران اُنھاں دی ملاقات میرا نائر نال تھئی جݙݨ اوہ گریجوئیشن کر رہیاں ہَن۔ اِیہ ملاقات اُنھاں دی طویل المدت دوستی تے ݙُون٘ہاں دی مشترکہ تخلیقات دا پیش خیمہ ثابت تھئی۔ گریجوئیشن دے بعد اُنھاں نے نیویارک یونیورسٹی دے شعبہ تعلیمات سینیما وچ داخلہ گِھدّا تے اُتھاں توں 1981ء وچ فلمی نظریہ تے تنقید وچ ایم اے دی سند حاصل کِیتی۔ اِس دے بعد اوہ ہندوستان واپس آ ڳئِیاں تے فری لانس ساکت عکاس (فری لانس اسٹل فوٹوگرافر) دی حیثیت نال کم شروع کِیتا۔

اوہ 1988ء وچ واپس لاس اینجلس آ ڳئِیاں تے اِتھاں اُنھاں نے منظر نگاری شروع کِیتی۔ اُنھاں نے ٻہوں سارے اسٹوڈیو کِیتے مکالمے تے منظر نامے لکھّے جیندے وچ یونیورسل، ڈزنی تے ایچ بی او جئیں ادارے وی شامل ہِن۔ 1992ء وچ اوہ ہِک واری پھر ہندوستان واپس آ ڳئِیاں۔