سونم کپور

سونم کپور
معلومات شخصیت
ڄمݨ	(1985-06-09) 9 جون 1985 ممبئی، مہاراشٹر، بھارت
قومیت	بھارتی
شریک حیات	آنند آہوجا (8 مئی 2018–)
ماء پیو	انیل کپور (پیو) سُنیتا کپور (ماء)
پیو	انیل کپور
بھیݨ بھرا	ہرش وردھن کپور ،  ریا کپور
عملی زندگی
مادر علمی	ممبئی یونیورسٹی یونیورسٹی آف ایسٹ لندن
پیشہ	اداکارہ، ماڈل
ماء ٻولی	ہندی
پیشہ ورانہ زبان	ہندی
اعزازات
فلم فیئر کریٹکس اعزاز برائے بہترین اداکارہ (برائے:Neerja ) (2017) گولڈن کیلا ایوارڈز (برائے:Aisha ) (2011) سٹارڈسٹ اعزاز برائے مستقبل کی خاتون سپراسٹار (برائے:Saawariya ) (2008)
نامزدگیاں
سٹارڈسٹ اعزاز برائے مستقبل کی خاتون سپراسٹار (2008)
	IMDB پر صفحہ

سونم کپور اہوجا ہک بھارتی فلمی اداکارہ ہن جیہڑی بالی ووڈ دی فلماں وچ نظر آندیاں ہن۔ سونم بھارتی فلمی صنعت دی سب توں مہنگی اداکاراواں وچوں ہن تے قومی فلم ایوارڈ تے فلم فیئر ایوارڈ سمیت بے شمار اعزازات حاصل کر چکیاں ہن۔

ابتدائی زندگی

سونم کپور 9 جون 1985ء کوں ممبئی دے نواحی علاقے چیمبور وچ پیدا تھئیاں۔ انہاں دے پیو انیل کپور، جیہڑے انیل کپور فلمز کمپنی دے بانی، اداکار تے پروڈیوسر ہن، تے انہاں دی ماء سنیتا، جیہڑی ماضی دی معروف ماڈل تے ڈیزائنر ہن۔ سونم دے ݙو نکے بھیݨ بھرا ہن؛ بہن رہیا، جیہڑی ہک فلم پروڈیوسر ہے، تے بھرا ہرشوردھان، جیہڑا اداکار ہے۔ سونم کپور فلم پروڈیوسر بونی کپور تے اداکار سنجے کپور دی بھتریجی ہے۔ اداکارہ سری دیوی تے پروڈیوسر مونا شووری (بونی کپور دیاں ذالیں ) انہاں دیاں چاچیاں ہن۔ اداکار ارجن کپور تے موہیت مرواہ سونم کپور دے چچا سوتر ہن جݙاں اداکار رنویر سنگھ انہاں دے مامیں دے پتر ہن۔

سونم کپور ہندو مذہب تے چلدی ہے تے انہاں دے ماء پیو دے بارے وچ انہاں دا آکھݨا ہے جو اوہ "کافی مذہبی" ہن تے "ایہ میکوں یاد ݙیندے جیہڑا میکوں اپݨے ماء پیو دا شکر ادا کرݨ دی ضرورت ہے"۔ سونم دی پہلی ملازمت 15 سال دی عمر وچ ویٹریس دے طور تے ہئی، حالانکہ ایہ صرف ہک ہفتہ تک جاری رہی۔ نکی عمر وچ، انہاں نے اپݨے وزن دے نال جدوجہد کیتی: "میں صحت مند ی ہئی، میݙی جلد خراب ہئی تے میݙے چہرے تے وال ہن!"

فلمی زندگی

سونم نے سنگاپور دے یونائیٹڈ ورلڈ کالج آف ساؤتھ ایسٹ ایشیا توں تھیٹر تے آرٹس دی تعلیم حاصل کیتی۔ انہاں نے 2005ء وچ بݨݨ آلی فلم بلیک دے ہدایتکار سنجے لیلا بھنسالی دی نائب ہدایتکارہ دے طور تے کم کیتا۔ سونم نے بحیثیت اداکارہ 2007ء وچ بھنسالی دی رومانوی ڈراما فلم سانوریا وچ اپݨی اداکاری دے جوہر ݙکھائے تے ایں فلم کیتے انہاں کوں فلم فیئر ایوارڈ برائے بہترین اداکارہ کیتے نامزد کیتا ڳیا۔ سونم دی پہلی کمرشل کامیابی 2010ء وچ بݨݨ آلی رومانوی مزاحیہ فلم آئی ہیٹ لو سٹوریز ہئی۔

فلم بلیک دی تیاری دے دوران سونم دے اندر اداکاری دا شوق ابھریا تے اینکوں ایں ویلے مزید تقویت ملی جݙاں بھنسالی نے انہاں کوں ݙسایا جو اوہ اپݨی اڳلی فلم سانوریا وچ انہاں کوں بحیثیت ہیروئن ڳھندا پیا ہے ۔ ایں ویلے سونم دا وزن 80 کلو گرام ہئی، انہاں کوں وزن کم کرݨ دا مشورہ ݙتا ڳیا۔ بھنسالی دی حوصلہ افزائی تے سونم نے ݙو سال وچ 35 کلو گرام وزن کم کیتا۔

سونم کپور نے اپݨے فلمی کیریئر وچ کئی یادگار فلماں وچ کم کیتے تے بے شمار اعزازات جتیے ہن۔ اوہ بالی ووڈ دی ہک ممتاز تے کامیاب اداکارہ دے طور تے پہچاݨیاں ویندیاں ہن۔