سوناں خاں بے وس
اصل ناں ملک سوناں خاں
قلمی ناں سوناں خاں بے وسؔ
جٖمنْ 1939ء
جاہ پتہ شہباز منزل ایم اے روڈدُلّے والا ضلع بھکر
سوناں خاں بے وس ضلع بھکر دے معروف شاعر ہن۔شاعری دیاں تقریباََ تمام صنفاں لکھدن،پر آپ دے ڈٖوہڑے زیادہ مشہور ہن۔غزل دا نمونہ ملاحظہ کرو!
غزل
[لکھو | ماخذ وچ تبدیلی کرو]آ میڈٖے دل دی لُٹی حسرت کوں جلدا ڈٖیکھ ونجٖ
شام دی سرخی دے وچ سورج کوں ڈھلدا ڈٖیکھ ونجٖ
انتظاری دا اے عالم بے قراری دا سماں
پیار دے لاشے کوں چن ڈھہندا سنبھلدا ڈٖیکھ ونجٖ
سکدیاں اکھیاں دے ارماں ، بے کسی دی انتہاء
بے نوا حسرت کوں ہوٹھاں تے مچلدا ڈٖیکھ ونجٖ
وقت دی گٖل ہے متاں کہیں وقت ارمانی تھیویں
غم دیاں گھڑیاں کوں صدیاں وچ بدلدا ڈٖیکھ ونجٖ
ڈٖو قدم تکلیف کر چا وت ملن قسمت دے ہن
سامنْے بے وس دا دم کھڑ کے نکلدا ڈٖیکھ ونجٖ
٭٭٭