سنے برگسٹروم

سنے برگسٹروم

(Karl Sune Detlof Bergström The Explorer of Prostaglandins)

کارل سنے ڈیٹلوف برگسٹروم ہک سویڈش بائیو کیمسٹ ہن ۔ 1975 وچ ، انہاں کوں سویڈن وچ نوبل فاؤنڈیشن بورڈ آف ڈائریکٹرز وچ مقرر کیتا ڳیا ، تے بینگٹ آئی سیموئلسن دے نال کولمبیا یونیورسٹی توں لوئیسا گراس ہوروٹز انعام نال نوازیا ڳیا ۔ انہاں 1982 وچ بینگٹ سیموئلسن تے جان آر وین دے نال پراسٹاگلینڈنز تے متعلقہ مادیاں بارے دریافتاں تے فزیالوجی یا میڈیسن دا نوبل انعام حاصل کیتا ۔

ابتدائی زندگی تے تعلیم

کارل برگسٹروم 10 جنوری 1916 کوں سویڈن وچ پیدا تھئے ۔ انہاں ابتدائی تعلیم سویڈن وچ حاصل کیتی تے بعد وچ کارولنسکا انسٹیٹیوٹ توں طب (Medicine) دی تعلیم حاصل کیتی ۔ سائنس نال انہاں دی دلچسپی اینہی دور وچ ودھݨ لڳی۔

سائنسی سفر دا آغاز

طب دی تعلیم مکمل کرݨ توں بعد ، برگسٹروم کجھ عرصہ مختلف یونیورسٹیاں وچ تحقیق کریندے ریہے ۔ ول او کارولنسکا انسٹیٹیوٹ وچ بطور پروفیسر کم شروع کیتا ۔

پراسٹاگلینڈنز تے تحقیق

برگسٹروم دی سب توں اہم تحقیق پراسٹاگلینڈنز (prostaglandins) تے ہئی ۔ انہاں پتہ لڳایا کہ ایہ مادے جسم وچ مختلف ونکی دے افعال ادا کریندے ہن ، جنہاں وچ سوزش ، درد ، تے بلڈ پریشر شامل ہن ۔ انہاں ایہ وی پتہ لڳایا کہ پراسٹاگلینڈنز کیویں بݨدے ہن تے کیویں کم کریندے ہن ۔

نوبل انعام

1982 وچ کارل برگسٹروم ، بینگٹ آئی سیموئلسن تے جان آر وین کوں "پراسٹاگلینڈنز تے متعلقہ مادیاں دی دریافتاں" تے فزیالوجی یا میڈیسن دا نوبل انعام ݙتا ڳیا ۔

لوئیسا گراس ہوروٹز انعام

برگسٹروم تے بینگٹ آئی سیموئلسن کوں انہاں دی تحقیق دی اہمیت دے پیش نظر کولمبیا یونیورسٹی توں لوئیسا گراس ہوروٹز انعام وی ݙتا ڳیا ۔

نوبل فاؤنڈیشن

1975 وچ برگسٹروم کوں سویڈن وچ نوبل فاؤنڈیشن بورڈ آف ڈائریکٹرز وچ مقرر کیتا ڳیا ۔

مہاندرے سائنسدان دی حیثیت نال سنڄاݨ

کارل برگسٹروم ہک عظیم سائنسدان ہن جنہاں بائیو کیمسٹری دے شعبے وچ اہم کردار ادا کیتا ۔ انہاں دی تحقیق نال پراسٹاگلینڈنز دے افعال کوں سمجھݨ وچ ٻہوں مدد ملی ہے ۔

وفات

کارل برگسٹروم 15 اگست 2004 کوں سویڈن وچ فوت تھئے ۔ او ایں جہان توں جھوک لݙا ڳئے ، پر انھاں دی تحقیق ہمیشاں سائنسداناں کوں روشنی ݙیندی راہسی ۔