سنٹرل لائبریری بہاولپور

بہاولپور سنٹرل لائبریری 1924ء وِچ اُساری ڳئی

سنٹرل لائبریری بہاولپور، بہاولپور شہر وِچ واقع ہِک پُراݨی اَتے مہان٘دری پاکستانی لائبریری ہِے۔ اِین٘دے وِچ ہِک لَکھ پنڄاہ ہزار کتاباں وی ہِن۔

اَیرا

بہاولپور دی مرکزی لائبریری دی عمارت دا سنگ بنیاد 8 مارچ 1924 کوں بہاولپور دے نواب سر صادق محمد خان عباسی دی تاجپوشی دے موقع تے رکھیا گیا ہَئی۔ ایہ کم سر روفس ڈینئل آئزک، جہڑا اُوں ویلے ہند دا گورنر جنرل ہا، نے کیتا ہَئی۔

عمارت

سنٹرل لائبریری بہاولپور دی عمارت دا انداز اطالوی تے اسلامی طرز دا اک خوبصورت ملاپ اے۔ ایہ عمارت بݨواوݨ کِیتے بہاولپور دے لوکاں تقریباً ہِک لکھ روپے جمع کیتے۔ ایہ رقم سرکاری طور تے جمع کیتی گئی تے اِیندے وِچ بہاولپور ریاست دے ملازم اپݨی اپݨی تنخواہ دا کُجھ حصہ ݙیندے ریہے۔ عمارت کیتے زمین بہاولپور دے نواب نے ݙِتی۔ عمارت بݨاوݨ دا کم 1927 توں 1934 تئیں چلدا رہیا پر پیسے گھٹ تھی ڳئے تے عمارت کوں بلدیہ بہاولپور کوں ݙے ݙتا گیا۔ بلدیہ نے اِیندی مرمت کروا کے اِیندے وِچ اپݨے دفتر بݨا گِھدّے تے اُتے چھوٹی جیہی لائبریری بݨا ݙتی۔

قیام پاکستان توں تھولے ویلے پہلے مشتاق احمد گورمانی (جہڑے اُوں ویلے بہاولپور دے وزیر اعظم ہن) نے فیصلہ کیتا کہ اے عمارت پوری طرح لائبریری دے کم وِچ آوے۔ اِیندی وجہ توں اے عمارت سرکار دے حوالے کر ݙتی گئی تے اِیندا ناں بَدل کے سنٹرل لائبریری رکھ ݙتا ڳیا۔ اِیندا مقصد ایہ ہا جو اے پورے علاقے دی مرکزی لائبریری ہووے تے اِیندی نگرانی حکومت کرے۔ 1947 وِچ عمارت دی اُتلی منزل تے سنٹرل لائبریری قائم کر ݙتی گئی تے اِیندے ساریاں خرچاں کِیتے سرکار توں پیسے ملݨ لڳ ڳئے۔

ٻاہرلے جوڑ

• تو پھر چلیں: بہاولپور سنٹرل لائبریری (اُردو مضمون)