سندھ وچ سرائیکی مرثیہ
پورے سندھ وچ زیادہ تر ملتان تے بکھر دے علاقیاں دے ذاکرین ونڄ تے مجلساںپڑھدن تے مرثیہ خوانی کریندن۔ اے روایت منڈھ قدیم توں چلی آندی ہے ۔ جیکر سندھ وچ مرثیہ نگاری دا جائزہ گھنیجے تاں سب توں پہلا ناں سوہݨے بھٹائی گھوٹ دا آندے جنہاں سندھی زبان وچ مرثیہ نگاری دا منڈھ ٻدھا۔ شاہ دے رسالے ’’سُرگیڈارو‘ دے عنوان نال شاہ سئیں دے کافی بیت مرثیہ دے ملدن‘ اگرچہ کجھ محققین اے آہدن کہ اے سُر شاہ سئیں دا کائنی۔
بھٹائی سوہݨے نے سرائیکی زبان وچ وی مرثیے لکھیے:
میندی لاوݨ ݙے جیویں شاہ میندی لاوݨ ݙے
شاہ قاسم سیج وِچھاوݨ ݙے میندی لاوݨ ݙے
میندی تیݙی رنگ رنگیلی میندی لاوݨ ݙے
ماء پیئو ݙتا اے سہرا ‘ خیر نہالی دے نال ‘ میندی لاوݨ ݙے
حوالہ
[لکھو | ماخذ وچ تبدیلی کرو]کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان