سندھو دیش
سندهودیش ہک اصطلاح ہے جیہڑی سندهی قوم پرست استعمال کریندن۔ سندهی قوم پرست صوبہ سندھ کوں پاکستان توں جدا کر کے ہک آزاد ملک "سندهودیش" بݨاوݨ چاہندن۔
ابتدا
[لکھو | ماخذ وچ تبدیلی کرو]سندهودیش دا مطالبہ سب توں پہلے سائیں جی ایم سید نے 17 جنوری 1972ء کوں کیتا ہئی۔ سید نے حیدرآباد، سندھ وچ 17 جنوری 1972ء کوں اپݨی سالگرہ دے موقع تے جئے سندھ تحریک دی بنیاد رکھی تے سندھ کوں آزاد وطن بݨاوݨ کیتے جدوجہد دا اعلان کیتا۔ ایں وجہ توں حکومت پاکستان دی طرفوں انہاں کوں کئی واری گرفتار تے نظربند کیتا ڳیا۔ لیکن سید نے اپݨا عزم جاری رکھا۔ اڄ کئی قوم پرست جماعتاں آزاد سندهودیش کیتے سرگرم ہن۔ انہاں کوں انتظامیہ دی طرفوں کئی مصیبتاں دا سامݨاں وی کرݨاں پوندے۔
اسباب
[لکھو | ماخذ وچ تبدیلی کرو]جی ایم سید دا آکھݨ ہئی کہ پنجابی، پاکستان دی اوٹ وچ سندھ دے وسائل لُٹیندے پئین۔ سندھ ہݨ پنجاب دی غلامی وچ ہے۔ ایں واسطے ہݨ او سندھ کوں پاکستان تے پنجاب توں جدا کرݨ چاہندن۔ انہاں دے پیش کیتے ڳئے نقطہ نظر دے مطابق کئی ناانصافیاں سندھ دے نال تھیندیاں پئین۔ سندھ پاکستان کوں سب توں زیادہ وسائل ݙیندی ہے۔ لیکن سندھ کوں ایندا مناسب حصہ نی ݙتا ویندا۔ 1947ء توں ڳھن کے اڄ تائیں کئی مہاجر سندھ دے اہم ترین شہر کراچی وچ آباد کیتے ویندے پئین۔ لیکن سندهیاں کیتے اتھاں زمین تنگ کیتی ڳئی ہے۔ مہاجر ہݨ کراچی کوں سندھ توں جدا صوبہ بݨاوݨ چاہندن۔ انہاں ناانصافیاں دے رد عمل وچ سندهودیش تحریک دا آغاز تھیا۔
مرکز:
یں تحریک دا مرکز سَن، سندھ ہے۔ جتھاں جی ایم سید دی پیدائش تھئی ہئی۔ ایہو سید دی آخری آرام گاہ وی ہے۔