سنجیدہ شیخ

سنجیدہ شیخ
Sanjeeda Shaikh
معلومات شخصیت
ڄم	20 دسمبر 1984ء (41 سال)  کویت شہر
رہائش	ممبئی
شہریت	بھارت
شریک حیات	عامر علی
عملی زندگی
پیشہ	اداکاری، رقص، نمونہ کاری، ٹیلی وژن پیشکاری
پیشہ ورانہ زبان	ہندی
	IMDB پر صفحہ

سنجیدہ شیخ ہک بھارتی فلمی اداکارہ ہے۔

سنجیدہ شیخ ہک ٹیلی ویژن تے فلمی بھارتی اداکارہ ہے۔ انہاں دی پیدائش 20 دسمبر 1984ء کوں کویت وچ تھئی۔ انہاں دی شہریت ہندوستانی ہے۔ سنجیدہ شیخ ہک مسلمان گھرانے وچ پیدا تھئی تے اپݨے ساتھی دے نال ہک ڈانس اکیڈمی کھولݨ دی وجہ توں اوہ بمبئی منتقل تھئی۔ 2012ء وچ اپݨے دیرینہ ساتھی عامر علی دے نال رشتہ ازدواج وچ منسلک تھئی۔ پئے عامر علی دا تعلق وی شوبز دی دنیا نال ہے۔

پیشہ ورانہ زندگی

سنجیدہ شیخ نے مختلف ٹی وی ڈرامیاں وچ کردار ادا کیتے ہن۔ اپݨے کیریئر دا آغاز انہاں نے 2005ء وچ "کیا ہوگا نمو کا" ڈرامے نال کیتا۔ 2007ء وچ اسٹار پلس دے مشہور ڈرامے قیامت وچ اہم کردار ادا کیتا۔ ایں سال انہاں نے نچ بلیے ڈانس مقابلے وچ وی اپݨے پئے دے نال حصہ ڳھدا جیندے وچ اوہ ݙوہیں فاتح قرار پئے۔ 2008ء وچ "کیا دل میں ہے ابھی" وچ ہک اہم کردار ادا کیتا۔ 2014ء وچ "ایک حسینہ تھی" وچ درگا ٹھاکر دا کردار ادا کیتا۔ ایں کردار وچ انہاں دی اداکاری کوں ناقدین نے وی ٻہوں زیادہ سراہیا۔ 2017ء وچ گہرائیاں وچ واٹسل سیٹھ دے مقابل کم کیتا۔ 2018ء وچ سنجیدہ شیخ اسٹار پلس دے ٻہوں مشہور سیریل "لو کا ہے انتظار" وچ جلوہ گر ہن جیندے وچ انہاں دی اداکاری کوں ٻہوں زیادہ پسند کیتا ویندا پیا ہے۔ ایں ڈراما سیریل وچ انہاں دے مقابل کیتھ سیکویرا ہن جنہاں دے نال انہاں دی جوڑی عوام الناس وچ ٻہوں مقبول ہے۔

ایوارڈ

سنجیدہ شیخ نے ڈراما سیریل "قیامت" وچ اپݨی بہترین اداکاری دی وجہ توں ݙو ایوارڈ حاصل کیتے۔ 2007ء وچ اسٹار پریوار دا ایوارڈ ملا، زی ایوارڈ دا بہترین منفی کردار وی ایں ڈرامے دی وجہ توں ملیا۔ سنجیدہ کوں اپݨا ݙوجھا زی گولڈ ایوارڈ 2011ء وچ ملیا۔

فلماں

2003ء وچ فلم باغبان وچ کم کیتا، 2010ء وچ پنکھ، 2018ء وچ نوابزادے تے "اشکے"۔

فلم اشکے ہک پنجابی فلم ہے تے ایں نے ہندوستان توں ٻاہر کمائی کرݨ آلیاں ساریاں بھارتی فلماں وچ نمایاں جاہ بݨائی۔

انہاں فلماں وچ بطور مہمان اداکارہ جلوہ گر تھئین:

2012ء وچ رام لیلا

2015ء وچ بھاگیہ لکشمی

2015ء وچ جھلک دکھلاجا

2016ء وچ سوارگنی۔جو دے رشتوں کو سر

2016ء وچ سب کی دیوالی