سمیہ بنت خباط

سمیہ بنت خباط
(عربی وِچ: سمية بنت خياط)
معلومات شخصیت
پیدائش	سنہ 550ء
وفات	سنہ 615ء (64–65 سال)  مکہ
وجہ وفات	ضرب بدن
قاتل	ابوجہل
شوہر	یاسر بن عامر ازرق بن عقبہ
اولاد	عمار بن یاسر

سمیہ بنت خباط یا سمیہ بنت خبط

ناں تے نسب

انھاں دا ناں سمیہ بنت خباط یا سمیہ بنت خبط ہئی ابو حذیفہ بن مغیرہ بن عبد اللہ بن عمرو مخزوم دی ٻانّھی ہَن عمار ابن یاسر دی امّاں ہَن۔

نکاح

یاسر عبسی نال جہڑے ابو حذیفہ دے حلیف ہَن، نکاح تِھیا عمار ڄ۔مّے تاں ابو حذیفہ نے اِنّھاں کوں اَزاد کر ݙِتّا۔

قبول اسلام

مکہ مکرمہ وِچ سمیہ یاسر اَتے عمار تریہائیں نے اسلام قبول کِیتا، ابو جہل اَتے ٻئے کافراں دے ہَتّھوں ݙُکھ چاتے۔ سمیہ اسلام منّݨ آلیاں وِچ سَتّویں نمبر تے ہَن، کُجھ ݙین٘ہ سکون نال گُذرے ہَن جو قریش دا ظلم تے ستم شروع تھی ڳیا اَتے ہولے ہولے ودھدا ڳِیا، تہوں جہڑا بندہ جہڑے مسلمان اُتے وَس رکھین٘دا ہائی طرح طرح دے ݙُکھ ݙیوݨ آلے اَوکھاں ݙین٘دا ہَی۔ سمیہ کوں وی ٹٻر مغیرہ نے شرک اُتے مجبور کر ݙتّا پر اُوہ آپݨے عقیدے اُتّےݙاڈھی شدّت نال قائم رہی ہَن، جین٘دا اجر اِیہ مِلّیا جو مشرکاں کوں انّھاں کوں مکہ دی سڑدی ٻلدی ریتڑ اُتے لوہے دی زرہ پوا کے دُھپ وِچ کھڑا کرین٘دے ہَن، پر انھاں دے عزّم تے استقلال دے اڳّوں آتش کدہ ٹھڈا پے وین٘دا ہَئی۔ آنحضرت صلی اللہ علیہ وآلہ وسلم اُتّھوں لنگھے تاں اِیہ حالت ݙیکھ کے اکھیونیں: "آلِ یاسر! صبر کرو۔ اِین٘دے بدلے تُہاݙے کِیتے جنّت ہِے۔"

شہادت

اِسلام گِھن آوݨ دے وجہ کنوں مکہ دے کافراں نے انّھاں کوں ٻہوں ڈھیر اوازار کِیتا، ہِک واری ابو جہل نے نیزہ تان کے انّھاں کوں دھمکا کے آکھیا جو کلمہ نہ پڑھ نئیں تاں میں تیکوں اِیہ نیزہ مار ݙیساں۔ حضرت بی بی سمیہ رضی اللہ عنہا نے سینہ تان کے زور زور نال کلمہ پڑھݨ شروع کر ݙتّا ابو جہل نے غصے وِچ بھریڄ کے انّھاں دی دُھنّیں دے نیڑے اِیں زور نال نیزہ ماریا جو اُوہ رَت وِچ لِوڑیڄ کے ڈھیہ پئی ہَن اَتے شہید تھی ڳئی ہَن۔

غزوہ بدر وِچ جہڑیلے ابو جہل ماریا ڳِیا، تاں آپ صلی اللہ علیہ وآلہ وسلم نے عمار کوں آکھیا: "ݙیکھو تہاݙی امّاں دے قاتل دا خُدا نے فیصلہ کر ݙِتّا۔"