سمیرا موسیٰ

سمیرا موسیٰ پہلی مصری ایٹمی سائنسدان ہن جنہاں دا جمݨ 3 مارچ 1917 کوں غربیہ گورنریٹ دے زیفتا سینٹر دی ہک وستی وچ تھیا۔ اوہ قاہرہ یونیورسٹی وچ فیکلٹی آف سائنس دی پہلی ٹیچنگ اسسٹنٹ ہن۔ اُنہاں دے وقت وچ لڑکیاں کیتے ایہ ڈگری تے عہدہ حاصل کرݨ عام ڳالھ کائناں ہئی۔

سمیرا موسیٰ دی ذہانت دے بارے وچ ݙسیا ویندے جو انہاں نے سیکنڈری اسکول دے پہلے سال وچ الجبرا دی سرکاری کتاب وچ غلطیاں ڳول کے انہاں دی درستگی کیتی، اُنہاں دے والد دے خرچے تے اونکوں چھاپیا، تے 1933 وچ اونکوں آپݨے ساتھیاں وچ مفت تقسیم کیتا۔

سمیرا نے گیساں دی تھرمل کمیونیکیشن وچ ماسٹرز دی ڈگری حاصل کیتی تے ہک مشن تے برطانیہ ڳی جتھاں انہاں نے جوہری تابکاری (Atomic Radioactivity) دا مطالعہ کیتا تے ایکس رے (X-Ray) تے مختلف اشیا تے اوندے اثرات وچ ڈاکٹریٹ (PHD) دی ڈگری حاصل کیتی۔

انہاں نے ہک سال تے پنج مہینے وچ ای اپݨا مقالہ مکمل کر گھدا ہئی، تے ݙوجھا سال مسلسل تحقیق وچ گزاریا جیندے بعد اوہ ہک اہم مساوات تے پڄی (جیہڑی اُوں ویلھے مغربی دنیا وچ قبول کائناں کیتی ڳئی ہئی) جیہڑی تانبے جیہیں سستی دھاتاں کوں فشن ری ایکشن تے مجبور کریندی ہے۔ تے ول ایں طرح دے مواد توں ایٹم بم دی تیاری جیہڑی ہر کہیں کیتے قابل رسائی ہووے، پر اے ڈاکٹر سمیرا موسیٰ دی عرب سائنسی تحقیق وچ درج کائناں کیتی ڳئی ہئی!

یہودی ایجنسی موساد (Mossad) نے انہاں کوں امریکہ وچ ہک کار حادثے وچ قتل کروا ݙتا ہئی۔ اُنہاں دا انتقال 5 اگست 1952 کوں تھیا۔