سمن کماری

سمن کماری
سمن ڪماري
معلومات شخصیت
ڄَمّݨ دی جاء	ضلع قمبر-شہدادکوٹ، سندھ، پاکستان
شہریت	پاکستان
عملی زندگی
مادرِ علمی	شہید ذوالفقار علی بھٹو انسٹی ٹیوٹ آف سائنس اینڈ ٹیکنالوجی
پیشہ	منصف

سمن کماری (اردو: سمن کماری، کنوں) ہِک پاکستانی زنانی جج ہِن۔ اُوہ پاکستان وِچ جج بݨن آلی پہلی ہندو زنانی ہِن۔ اُوہ اُوں ویلے آپݨے آبائیضلع قمبر شہداد کوٹ وِچ خذمتاں انجام ݙین٘دی پئی ہِے۔ این٘دا پورا ناں سمن پاون بدانی ہے۔ اُوہ سول ججز دی میرٹ لسٹ وِچ 54 ویں نمبر تے آئی ہَئی۔ پاکستان وِچ مرد ججاں دے مقابلے وِچ زنانیاں جج دی ڳِݨَتری ٻہوں گَھٹ ہِے، اقلیتی فرقیاں کنوں جُڑیل مرد اَتے زنانیاں وی تاریخ پاکستان وِچ اِیں عہدے اُتے ٻہوں گَھٹ لائے ڳئے۔ حال اِچ ای پہلی واری ݙُو ہندو زنانی پاکستانی ججاں وِچ شامل تھئی ہِن۔

حیاتی دا احوال

سمن کماری نے حیدر آباد کنوں آپݨاں ایل ایل بی دا امتحان پاس کِیتا اَتے شہید ذوالفقار علی بھٹو انسٹی ٹیوٹ آف سائنس اینڈ ٹیکنالوجی (زبیسٹ) یونیورسٹی کراچی کنوں قانون وِچ ماسٹرز دی ڈگری گِھدّی۔ وَل اِیں نے وکیل رشید اے رضوی دی فرم کِیتے کَم کِیتا۔ 2019ء وِچ، اِیں نے سول اتے جوڈیشل مجسٹریٹ افسراں دی تقرری کِیتے امتحان پاس کِیتا۔ اَتے اِیکوں سول جج دی حیثیت نال لائیا ڳِیا۔

ذاتی حیاتی

سمن کماری ضلع قمبر شہداد کوٹ وِچ رہن٘دی ہِے۔ انّھاں دے پِیؤ ڈاکٹر پون کمار بودانی اَکّھیں دے ماہر ڈاکٹر ہِن۔ این٘دی وݙّی بھیݨ سافٹ ویئر انجینئر ہے اَتے ݙوجھی بھیݨ چارٹرڈ اکاؤنٹنٹ ہِے۔ سمن کماری ڳائیکہ لتا منگیشکر اَتے عاطف اسلم دی مداح ہِن۔  

ٻِیا ݙیکھو

• کرشنا کوہلی
• پشپا کماری کوہلی
• ویرو کوہلی
• مہیش کمار ملانی
• راہول دیو