سلیم اختر ندیم
اصل ناں سلیم اختر
تخلص ندیمؔ
جٖمنْ 1958ء
جاہ پتہ بالمقابل ناز سینما ۔حسنین چوک لیہ
غزل
[لکھو | ماخذ وچ تبدیلی کرو]کجھ وی تھئے وت وی وفا دی لَو جگٖیندا رہ گٖیاں
میں تاں پتھراں نال وی یاری نبھیندا رہ گٖیاں
ہُنْ تائیں اکھ بھال کے بٖیٹھا ہاں تیڈٖی بھال وچ
میں تیڈٖی یاداں دے دروازے کھلیندا رہ گٖیاں
حرف جتنے میں لکھئے ہن او اندھاری چٹ گٖئی
میں ایویں ریتاں اُتے اکھر مریندا رہ گٖیاں
میں جھیاں وی سخت جاں کوئی نہ ہوسی شہر وچ
میں ڈٖکھاں دی جنج وچ جھمراں مریندا رہ گٖیاں
زندگی دی قبر دا کتبہ میکوں اَہدن ندیمؔ
چپ دے لہجے وچ وی میں اکثر بٖولیندا رہ گٖیاں
٭٭٭