سلیمہ ہاشمی

سلیمہ ہاشمی
سلیمہ ہاشمی
caption
معلومات شخصیت
ڄمّݨ دا سال تے جاء	1942ء لاہور
ٹِکاݨاں	لاہور
قومیت	پاکستان
پئے دا ناں	شعیب ہاشمی
پِیؤ د اناں	فیض احمد فیض
امّاں دا ناں	ایلس فیض
عملی زندگی
مادر علمی	نیشنل کالج آف آرٹس
پیشہ	پینٹر آرٹسٹ، سابقہ کالج پروفیسر
پیشہ ورانہ زبان	انگریزی
نوکریاں	بیکن ہاؤس نیشنل یونیورسٹی
کارہائے نمایاں	فیض احمد فیضکی بیٹی، سابق نگراں وزیر
اعزازات
تمغائے حسن کارکردگی

سلیمہ ہاشمی (اردو: سلیمہ ہاشمی، کنوں) (ڄَمّݨ دا سال: 1942ء) ہِک پاکستانی پینٹر آرٹسٹ سابق کالج پروفیسر، جوہری ہتھیاراں دے خلاف سرگرم کارکن اَتے سیٹھی نگراں وزارت وِچ سابق نگراں وزیرہ رہ چُکی ہِن۔ اُوہ چار ورھیاں تئیں پروفیسر اَتے نیشنل کالج آف آرٹس دی ڈین دی حیثیت نال خذمتاں انجام ݙین٘دی رہی ہَن۔ اُوہ مشہور شاعر فیض احمد فیض اَتے اُنّھاں دی برطانوی نژاد ذال ایلس فیض دی ساریاں کنوں وݙّی دِھی ہِن۔

حیاتی دا احوال

سلیمہ 1942ء وِچ تقسیم نئی دہلی، ہندوستان کنوں پہلاں فیض احمد فیض اَتے ایلس فیض دے گھر ڄَمّی ہَن۔ پَر اُوہ پاکستانی ہِن۔ انّھاں دی ہِک نِکّی بھیݨ ہِے، منیزہ ہاشمی جہڑی پاکستان ٹی وی دی سینئر پروڈیوسر ہِن۔ سلیمہ نے لاہور دے نیشنل کالج آف آرٹس (این سی اے) وِچ ڈیزائن دی تعلیم گِھنّݨ دے بعد، اُوہ 1960ء دے ݙہاکے دے شروع وِچ انگلینڈ چلی ڳئی، جتّھاں اُنّھاں نے کور شام وِچ باتھ اکیڈمی آف آرٹ وِچ تعلیم گِھدّی۔ سلیمہ نے امریکہ دے روڈ آئلینڈ سکول آف ڈیزائن کنوں وی تعلیم گِھدّی۔

ایوارڈز اَتے پِچھاݨ

سلیمہ ہاشمی نے 2001ء وِچ "انویلنگ دا ویزیبل: لائیوز اینڈ ورکس آف ویمن آرٹسٹس آف پاکستان" دے مُکھ نان٘ویں نال ہِک تنقیدی طور تے سراہی ون٘ڄݨ آلی کتاب وی تصنیف کِیتی۔

• 1999 وِچ صدر پاکستان دے ذریعہ پرائیڈ آف پرفارمنس ایوارڈ۔
• آرٹ اینڈ تعلیم کِیتے پرائیڈ آف پرفارمنس
• 2012 وِچ ویمن آف انسپریشن ایوارڈ کِیتے انتخاب
• 2013 وِچ ہِک مختصر دورانیے کِیتے پنجاب دی نگران کابینہ وِچ شمولیت
• 2016 وِچ برطانیہ دی باتھ اسپا یونیورسٹی دی طرفوں ڈاکٹریٹ دی اعزازی ڈگری۔