سلک بینک

سلک بینک لمیٹڈ، (Silk Bank Limited) جینکوں پہلے سعودی-پاک کمرشل بینک دے ناں توں ڄاݨا ویندا ہئی، ہک پاکستانی تجارتی بینک ہے جیہڑا کراچی، پاکستان وچ واقع ہے۔ ایندا 39 شہراں وچ 123 برانچ نیٹ ورک ہے۔ بینک دی بنیاد 1994 وچ رکھی ڳئی ہئی۔ ایں نے 7 مئی 1995ء کوں کمرشل آپریشن شروع کیتا۔ ایندا ویہہ برانچاں دا نیٹ ورک ہے۔ سعودی پاک انڈسٹریل اینڈ ایگریکلچرل انویسٹمنٹ کمپنی (پرائیویٹ) لمیٹڈ (SAPICO) نے 15 ستمبر 2001ء کوں پروڈنشل کمرشل بینک لمیٹڈ کوں مل ڳھدا۔ SAPICO نے بینک کوں ہک نواں ناں ݙتا: سعودی پاک کمرشل بینک۔ مارچ 2008ء وچ، پاکستانی بینکر شوکت ترین دی سربراہی وچ انٹرنیشنل فنانس کارپوریشن، بینک آف مسقط، نومورا اتے سنتھوس کیپٹل تے مشتمل کنسورشیم نے 213 ملین ڈالر وچ سعودی پاک بینک وچ اکثریتی حصص حاصل کیتے۔ جون 2008ء وچ، بینک نے اپݨا ناں بدل کے سلک بینک لمیٹڈ کر ڳھدا۔ 2015ء وچ عارف حبیب گروپ نے بینک وچ 28.23 فیصد حصص حاصل کیتے۔۔