سلکھشنا پنڈت

سلکشنا پنڈت ہک بھارتی فلمی اداکارہ ہن۔

سلکشنا پرتاپ نارائن پنڈت دا تعلق موسیقی دے ٹٻڑ نال ہئی۔ ایندے پیو پرتاپ نارائن پنڈت ہک کلاسیکل گلوکار ہن تے مشہور کلاسیکل گلوکار پنڈت جس راج ایندے چاچا ہن۔ سلکشنا پنڈت نے ناؤں سال دی عمر وچ پہلا ڳاݨا ڳایا ہئی۔ بطور اداکارہ انہاں نے اپݨی پہلی فلم اداکار سنجیو کمار دے نال کیتی ہئی۔ فلم دا ناں ہئی "الجھن"۔ انہاں نے اپݨے وقت دے ٹاپ ہیروز دے نال کم کیتا۔ انہاں کوں فلم "سنکلپ" وچ ہک ڳانے "تو ہی ساگر ہے تو ہی کنارہ" دے کیتے بیسٹ پلے بیک سنگر دا فلم فیئر ایوارڈ وی ملیا ہئی۔ سلکشنا نے زیادہ تر فلمیں سنجیو کمار دے نال کیتیاں ہن تے اوہ سنجیو نال بے پناہ محبت وی کرݨ لڳی ہئی پر سنجیو کمار ہیما مالنی کوں چاہندے ہن۔ ہیما نے سنجیو دے پروپوزل کوں ٹھکرا کر اداکار دھرمیندر نال شادی کر ڳھدی، جیہڑی وجہ توں سنجیو کمار دا دل ترٹڳیا۔ سلکشنا نے کئی واری سنجیو کوں آکھیا جو چلو اساں شادی کر ڳھندے ہیں پر سنجیو کݙاہیں راضی نہ تھئے تے ایندی وجہ سنجیو کمار نے گلزار کوں ݙسی ہئی جو انہاں دے گھر کوئی وی پنجاہ سال توں زیادہ زندہ نئیں رہندا، ایں واسطے اوہ شادی کر کے کہیں کوں ݙکھ نئیں ݙیوݨ چاہندے ہن۔ تے ایویں ہی تھیا، سنجیو کمار 47 سال دی عمر وچ مر ڳئے۔ انہاں دی مرݨ توں سلکشنا کوں صدمہ پہنچیا تے اوہ ڈپریشن وچ چلی ڳئی۔ انہاں دی حالت ہر ݙیہاڑے خراب تھیندی ڳئی۔ سب توں وݙا ݙکھ ایہ ہے جو مشہور سنگیتکار جوڑی جتین للیت جیہڑے سلکشنا دے بھرا ہن، انہاں نے اپݨی بھیݨ کوں کݙاہیں موقع نئیں ݙتا۔ سلکشنا دے جیجا آدیش شریواستو جیہڑے خود ہک اچھے سنگیتکار ہن، ہک البم کڈھݨ چاہندے ہن پر قسمت دی ستم ظریفی ایہ تھئی جو آدیش دی کم عمری وچ ہی مر ڳئی۔ سلکشنا دے ݙھاوݨ دی وجہ توں انہاں دی ہِپ بون ترٹ ڳئی۔ ہݨ اوہ اپݨی بھیݨ دے گھر رہندی ہن تے اپݨے ڳانے سݨدی ہن۔