سلمی آغا

سلمیٰ آغا
سلمیٰ آغا 2011ء وِچ
معلومات شخصیت
پیدائش	(1956-10-25) اکتوبر 25, 1956 کراچی، پاکستان
رہائش	دبئی
قومیت	برطانوی پاکستانی
نسل	پشتون
مذہب	اسلام
شریک حیات	رحمت خان (طلاق شدہ) جاوید شیخ(طلاق شدہ)
اولاد	سشا آغا (بیٹی) علی خان (بیٹا)
عملی زندگی
پیشہ	گلوکاری، اداکار، فلم ساز
پیشہ ورانہ زبان	ہندی ،  اردو ،  انگریزی
اعزازات
فلم فیئر اعزاز   نگار اعزاز
	IMDB پر صفحہ

سلمہ آغا (اردو: سلمی آغا، کنوں) (ڄَمّݨ دی تریخ: 25 اکتوبر 1956ء) ہِک سابقہ پاکستانی نژاد برطانوی فلمی اداکارہ اَتے پس پردہ گلوکارہ ہِن جِنّھاں نے 1980ء اَتے 1990ء دے ݙہاکے دے اَغاز وِچ پاکستانی اَتے بھارتی فلماں وِچ ڳائیکی دے نال نال اداکاری وی کِیتی ہَئی۔ اُوہ پاکستان دے شہر کراچی وِچ ڄَمّی ہَئی اَتے انّھاں دی پرورش لندن وِچ تھئی۔ سلمیٰ آغا کوں بھارتی ہدایت کاراں دی طرفوں اݨ ڳِݨَت فلماں دی پیش کش کِیتی ڳئی۔ انّھاں دی پہلی فلم رومانوی نکاح (1982ء) ہَئی۔

حیاتی دا احوال

سلمیٰ آغا 25 اکتوبر 1956ء کوں پاکستان دے شہر کراچی وِچ ڄَمّی ہَئی اَتے انّھاں دی پرورش لندن وِچ تھئی۔ انّھاں دے پِیؤ دا ناں لیاقت گُل آغا اَتے ماں دا ناں نسرین آغا ہَئی۔ لیاقت گُل آغا کاروبار کرݨ آلے تاجر ہَن اَتے انّھاں دا تعلق امرتسر وِچ رہوݨ آلے اردو ٻولݨ آلے مسلم پٹھاݨ ٹٻر نال ہَئٰ۔ انّھاں دی امّاں نسرین (جین٘دا ڄمان٘درُو ناں زرینہ غزنوی ہَئی) پشتون موسیقار رفیق غزنوی اَتے انوری بائی بیگم، جہڑے بھارتی سینما دے اَغاز دے دور دی اداکار زنانیاں وِچوں ہِک ہَئی، دی دھی ہَئی۔ انوری بیگم نے ہیر رانجھا (1932ء) وِچ کَم کِیتا ہَئی۔