سلطان ابراہیم لودھی

خاندان لودھی دے آخری بادشاہ ہن تے سکندر لودھی دا وݙا بیٹا ہئی. پیو دے بعد بادشاہ بݨا۔ پیو ݙاݙے دے برعکس مزاج دا اکھڑ تے غصیلا ہئی۔ امرا ناراض تھی گئے۔ بزور دباوݨا چاہا تاں زیادہ بگڑ گئے تے بغاوتاں کیتیاں۔ ایں دے بھائی جلال خان نے بغاوت کیتی تے مارا گیا۔ چچیرے بھائی اعظم ہمایون کوں شبہے دی بنا تے پکڑا۔ اوں دے بیٹے فتح خان کوں وی قید وچ سٹ ݙتا۔ انہاں واقعات توں مشتعل تھی کے سب افغان باغی تھی گئے۔ خانہ جنگی وچ قوت ضائع تھئی۔ میواڑ دے راݨا سانگا کوں شکست ݙتی۔ بہادر خان بہار وچ خود مختار تھی گیا۔ ابراہیم اوں دی سرکوبی نہ کر سڳا۔ ہیں اثنا وچ راݨا سانگا نے کابل توں ظہیر الدین بابر کوں سݙوایا۔ پاݨی پت دی پہلی لڑائی وچ ابراہیم لودھی مارا گیا تے ایویں 1526ء وچ ہندوستان وچ مغلیہ سلطنت دا آغاز تھیا۔