سعید الرحمن علوی
| مولانا سعید الرحمن علوی | |
|---|---|
| معلومات شخصیت | |
| پیدائشی نام | سعید الرحمن |
| پیدائش | 4 اپریل 1948ء
کوٹ حاکم خان نون ضلع سرگودھا |
| وفات | 20 اکتوبر 1994ء |
| قومیت | پاکستانی |
| مذہب | اسلام |
| رشتے دار | محمد رمضان علوی (پیو) |
| عملی زندگی | |
| مادر علمی | جامعہ خیرالمدارس ملتان، جامعہ سراج العلوم سرگودھا ، جامعہ نصرۃ العلوم گجرانوالہ |
| پیشہ | امامت وخطابت، تصنیف وتالیف ، صحافت |
| کارہائے نمایاں |
|
 باب ادب | |
درستی - ترمیم  | |
سعید الرحمن علوی پاکستان دے مشہور سنی عالم دین، صحافی، مصنف، مترجم، خطیب تے محقق ہن۔ انہاں نے پاکستان وچ دینی مقاصد دے تحت چلاوݨ آلی مختلف تحریکاں وچ حصہ ڳھدا تے قید و بند دی صعوبتاں برداشت کیتیاں۔ ہفت روزہ مجلہ "خدام الدین" لاہور دے مدیر وی رہے۔ انہاں دیاں کئی تصانیف تے بے شمار کالم تے مضامین مختلف رسائل تے جریدے وچ شائع تھئے۔ انہاں نے کئی کتابیں دے مقدمات لکھیے تے متعدد کتابیں دا اردو وچ ترجمہ کیتا۔
ابتدائی حیاتی
[لکھو | ماخذ وچ تبدیلی کرو]سعید الرحمن علوی 4 اپریل 1948ء کوں کوٹ حاکم خان نون، ضلع سرگودھا وچ مشہور تحریکی عالم دین محمد رمضان علوی دے گھر پیدا تھئے۔ انہاں دا سلسلہ نسب محمد بن حنفیہ توں ہوندا ہویا چھوتے خلیفہ حضرت علی المرتضیٰ تک پہنچدے۔ انہاں دے آباواجداد عرب توں ہجرت کر کے پاکستان دے ضلع جہلم دے قصبہ کلر کہار وچ آباد تھئے۔ اٹھ سال دی عمر وچ انہاں نے اپݨے ݙاݙا توں قرآن پاک حفظ کیتا۔ مڈل دا امتحان گورنمنٹ ہائی اسکول بھیرہ، ضلع سرگودھا توں پاس کیتا۔ بعد وچ دینی تعلیم دے حصول کیتے جامعہ خیرالمدارس ملتان وچ داخلہ ڳھدا، جتھوں ݙو سال بعد بیمار تھیوݨ دی وجہ توں جامع سراج العلوم ضلع سرگودھا وچ داخلہ ڳھدا۔ ترائے سال کوہاٹی بازار راولپنڈی دے مدرسہ فرقانیہ وچ پڑھݨ دے بعد درس نظامی دی تکمیل نصرۃ العلوم ضلع گوجرانوالہ وچ عبدالحمید سواتی تے محمد سرفراز خان صفدر دے زیر سایہ کیتی۔
عملی حیاتی
[لکھو | ماخذ وچ تبدیلی کرو]1969ء وچ غلام غوث ہزاروی دے ایماء تے جامع مسجد حضرو، ضلع اٹک توں امامت تے خطابت دا آغاز کیتا تے جمعیت علما اسلام پاکستان دے کیتے کم کیتا۔ 1970ء وچ کجھ مہینے جامعہ حسینیہ سلانوالی، ضلع سرگودھا وچ وی رہے، پر ولا حضرو واپس آ کے دینی تے سیاسی خدمات سر انجام ݙتیاں۔ جامع مسجد الشفاء شاہ جمال لاہور وچ وی خطیب رہے۔ روزنامہ "پاکستان" وچ حالات حاضرہ تے کالم لکھدے رہے۔ ہفت روزہ "ترجمان اسلام" وچ زاہد الراشدی دے نال صحافتی خدمات انجام ݙتیاں۔ 1974ء وچ ہفت روزہ "خدام الدین" لاہور دے ایڈیٹر مقرر تھئے۔ انہاں دی ادارت وچ ݙو ضخیم نمبر شائع تھئے: احمد علی لاہوری دی حیات و خدمات تے "شیخ التفسیر نمبر" تے 1974ء دی تحریک ختم نبوت دے امیر محمد یوسف بنوری دی حیات و خدمات تے "حضرت بنوری نمبر"شاع تھئے۔
تصانیف وتراجم
[لکھو | ماخذ وچ تبدیلی کرو]- اسلامی حکومت کا فلاحی تصور
- افکار علوی
- فکر شیعی میں یزید
- یزید کا مقدمہ
- افکار شیعہ
- لسان القرآن
- مولانا محمد علی جالندھری
تراجم
[لکھو | ماخذ وچ تبدیلی کرو]- خلفائے راشدین حسنِ کردار وعمل
- اہلبیت
- مرویات سیدہ عائشہ وسیدنا معاویہ
- مغازی رسول اللہ
- تعبیر والرویاء
- کیمیائے سعادت
- احیاء علوم الدین
- مختصر القدوری
- مقدمہ تاریخ ابن کثیر
- مقدمہ سوانح ابن تیمیہ
وفات
[لکھو | ماخذ وچ تبدیلی کرو]20 اکتوبر 1994ء کوں دل دے دورے دی وجہ توں خالق حقیقی نال ونڄ ملیے۔ شاہ عبدالقادر رائے پوری دے بھنڑیجے شاہ عبدالوحید رائے پوری نے مقبرہ آلے قبرستان بھیرہ، ضلع سرگودھا وچ انہاں دی نماز جنازہ پڑھائی۔ انہاں دی تدفین انہاں دے پیو تے ݙاݙے دے پہلو وچ کیتی ڳئی۔ انہاں دے ترائے صاحبزادے تے ݙو صاحبزادیاں ہن۔