سشمیتا سین

سشمیتا سین
(بنگالی میں: সুস্মিতা সেন)، (پنجابی میں: Sushmita Sen)
معلومات شخصیت
پیدائش	19 نومبر 1975ء (50 سال)  حیدر آباد
رہائش	ممبئی
شہریت	بھارت
قد	173 سنٹی میٹر
وزن	54 کلو گرام
تعداد اولاد	2
عملی زندگی
مادر علمی	متھی بائی کالج
پیشہ	ادکارہ ،  ماڈل ،  شریک مقابلہ حسن ،  فلم اداکارہ ،  کاروباری شخصیت
پیشہ ورانہ زبان	ہندی
اعزازات
فیمینیا مس انڈیا   (1994) فلم فیئر اعزاز
	IMDB پر صفحہ

سشمیتا سین ہک بھارتی اداکارہ تے ماڈل ہن۔ اوہ 19 نومبر 1975 کوں پیدا تھئی۔ انہاں نے 18 سال دی عمر وچ "مس یونیورس" دا اعزاز حاصل کیتا تے ایہ اعزاز حاصل کرݨ آلی پہلی بھارتی زنانی بݨی۔ سشمیتا سین ہک کلہی ماء ہن جنہاں نے 2000 وچ پہلی دھی تے 2010 وچ ݙوجھی دھی کاہیں دی چاتی تے اونکوں پالیا ۔ انہاں نے ہندی فلمیں دے نال نال تامل تے بنگالی فلمیں وچ وی کم کیتا۔ انہاں دی بہترین اداکاری دی وجہ توں انہاں کوں فلم فیئر ایوارڈ سمیت کئی ایوارڈز مل چکیے ہن۔

ابتدائی زندگی

سشمیتا سین 19 نومبر 1975 کوں حیدرآباد، بھارت وچ ہک بنگالی برہمن فیملی وچ پیدا تھئے۔ انہاں دے پیو سابقہ بھارتی فضائیہ وچ ونگ کمانڈر ہن تے انہاں دی ماء سبحانہ سین ہک ماہر زیورات ڈیزائنر ہن جنہاں دا دبئی وچ اسٹور ہے۔

مس انڈیا تے مس یونیورس

سشمیتا سین نے "فیمینا مس انڈیا" دے مقابلے وچ حصہ ڳھدا تے "مس انڈیا یونیورس" دا اعزاز جتیا۔ ایندے بعد اوہ 1994 وچ "مس یونیورس" دے عالمی مقابلے وچ بھارت دی نمائندگی کیتی تے ایہ اعزاز جتیا، جیندے نال اوہ ایہ اعزاز جیتݨ آلی پہلی بھارتی زنانی بݨیاں۔ 23 سال بعد، 30 جنوری 2017 کوں، انہاں نے "مس یونیورس 2016" وچ بطور جج فرائض سرانجام ݙتے۔

فلمی کیریئر

سشمیتا سین نے اپݨے فلمی کیریئر دا آغاز 1996 وچ فلم "دستک" نال کیتا۔ انہاں دی پہلی کامیاب تامل فلم "رت جگا" ہئی، جیہڑی 1997 وچ ریلیز تھئی۔ انہاں نے کئی کامیاب فلمیں وچ کم کیتا جنہاں وچ "صرف تم"، "ہندوستان کی قسم"، "بیوی نمبر 1"، "آنکھیں"، تے "میں ہوں ناں" شامل ہن۔ انہاں دیاں فلماں نے باکس آفس تے کامیابی دے جھنڈے ڳاڑیے۔

سماجی کم

سشمیتا سین نے فلمیں وچ اداکاری دے نال نال اسٹیج تے وی اپݨے اداکاری دے جلوے وکھیرے تے مختلف معاشرتی مسائل کوں اجاگر کیتا۔ انہاں دے سماجی کم دی وجہ توں انہاں کوں 2013 وچ "مدر ٹریسا ایوارڈ" نال نوازیا ڳیا۔

فلموگرافی

• دستک (1996)
• زور (1997)
• صرف تم (1999)
• ہندوستان کی قسم (1999)
• بیوی نمبر 1 (1999)
• آغاز (2000)
• فضا (2000)
• کیوں کہ میں جھوٹ نہیں بولتا (2001)
• نائیک (2001)
• بس اتنا خواب ہے (2001)
• آنکھیں (2002)
• تم کو نہ بھول پائیں گے (2002)
• فی الحال (2002)
• سمے (2003)
• پرآن جائے پرشان نہ جائے (2003)
• وستو شاستر (2003)
• پیسہ وصول (2004)
• میں نے پیار کیوں کیا (2005)
• میں ایسا ہی ہوں (2005)
• بے وفا (2005)
• رام گوپال ورما (2007)
• کرما اور ہولی (2009)
• ڈو ناٹ ڈسٹرب (2009)
• دلہا مل گیا (2010)
• نرباک (2015)

سشمیتا سین نے اپݨے کیریئر وچ بھارتی سنیما تے فیشن انڈسٹری وچ ہک نمایاں مقام حاصل کیتا ہے تے اوہ ہک کامیاب اداکارہ، ماڈل تے سماجی کارکن دے طور تے مشہور ہن۔