سری دیوی

ہک مہان فنکار، تے خوبصورت حسین انسان، جیڑھی ماضی دے گزریل جہاڑیاں ءچ ہمیشہ یاد رہندی ء تے ہمیش یاد راہسی " سِری دیوی جی" جھوک لڈا گئی ء۔ جیندا بہوں ارمان ء۔ فنکار کہیں نسل، مذہب، رنگ، قوم یا ریاستی حد بندیاں دا مُتھاج نئیں ہوندا کیوں جو " فن دی ہنر مندی دے اگوں اے کُوڑی نقلی حد براریاں تے بندیاں ہیٹ ہن تہوں نئیں کھڑ سگدیاں۔ تہوں فنکار ہمیشہ سانجھا ہوندے ۔ سری دیوی جی نے فلم دی دنیا ءچ اپݨے فن کوں اپݨے کردار تے ہنر نال منوایا تے ہک لمبے عرصے تئیں اپݨی معصوم تے بھولی مسکراہٹ نال لوکاں دے دلاں ءچ وسدی رہی پر اج خود اپݨا دل ہار بیٹھی جیڑھا ولدا ول نہ پھڑکا۔ ویندے ویندے اپݨی ہک شاندار آخری فلم دنیا کیتے چھوڑی گئی جینکوں ڈیکھ تے معاشرے دا ہاں نکل پو وے کیوں جو ہندوستان پاکستان ءچ نکڑی بالڑیاں نال ایں عزت دار مذہبی معاشرہ ءچ جیڑھا کجھ تھیندا پئے سری دیوی جی اپݨی چھکڑی فلم " مام" ( ماء، ماتا، امڑی، اماں،مدر، امی) ءچ ڈسا گئی ء ۔ اے بھانویں انڈیا دی جیوتی سنگھ ہو وے تے بھانویں پاکستان دی زینب انصاری ہن ݙوہیں حوا دی دھیریں جینکوں ماء دے کردار وچ اپݨی چھکڑی فلم وچ سری دیوی نے نشابر کیتے۔ دنیا ایں مہان فنکار کوں ہمیشہ یاد رکھیسی۔ شہزاد عرفان