سرطان پستان

سرطان پستان
تخصص	سلعیات&Nbsp;

پستاناں دی ساخت (تشریح / اناٹومی: اندرلی نسیجات جِتّھاں سرطان عام طور تے پیدا تھین٘دا ہے اَتے آبگونی عقدے تے آبگونی رڳاں جہڑیاں جو سرطان دے جسم دے ݙوجھے حِصّیاں وِچ پھیلاء دا ذریعہ بݨدیاں ہِن

سرطان پستان (اردو: سرطان پستان، کنوں) کوں عام طور تے دَرَسنی دا سرطان وی آکھیا وین٘دا ہِے۔ اِیں ونکی دے سرطان وِچ سرطانی خلیاں، ٻُٻّیاں (breast) دے "نسیج" وِچ ای پیدا تِھین٘دے ہِن۔ اِتّھاں مختصر طور تے پستان دی ساخت دا سمجھݨ پستانی سرطان دے سمجھݨ وِچ معاون تھیسی۔ (پستان دی تشریح / anatomy کِیتے اِین٘دا آپݨاں صفحہ مخصوص ہِے)۔ پستان اصل وِچ غدوداں اَتے عضلات اُتے مشتمل نرم گوشیاں (فصوص) اَتے باریک نالیاں (قناتاں) دے مجموعے نال بݨیا ہویا عضو ہِے۔ ہر گوشہ یا فص وَل ٻِیا نِکڑے نِکڑے گوشیاں اُتے مشتمل ہون٘دا ہِے جِنّھاں کوں فصیص (جمع فصیصات) آکھیا وین٘دا ہِے، اِیہ فصیص وَل ٻئے نِکّے بلبلیاں آلی کار اجسام بصلہ نال رلّے ہون٘دے ہِن جِتّھوں کِھیر بݨدا ہِے جہڑے بریک بریک نالیاں (قناتاں) دے ذریعے نوک پستان (حلمہ) تئیں پُچایا وین٘دا ہِے۔

اِیں بنیادی ساخت کنوں اَن٘ج پستان وِچ رَت دیاں رڳّاں اَتے آبگونہ دی نالیاں ڈِھڳ ڳِݨَتری وِچ ہون٘دیاں ہِن۔ آبگونی نالیاں کوں انگریزی وِچ lymph vessels آکھیا وین٘دا ہِے۔ اِیہ نالیاں آبگونہ یا آب زلال (لمف) کوں کَٹّھا کرین٘دیاں ہؤئیاں آبگونی عقدیاں تئیں گِھن وین٘دیاں ہِن۔ آبگونی عقدے نِکڑے نِکڑے گردے آلی کار جسم ہون٘دے ہِن جہڑے سارے جسم وِچ ہر جاء موجود ہون٘دے ہِن۔

نگار خانہ

• 
• 
• 
•