سردار لطیف کھوسہ
| سردار لطیف کھوسہ | |
|---|---|
 | |
|
| |
| گورنر پنجاب 27 ویں | |
| مدت منصب
13 جنوری 2011 – تا حال | |
| معلومات شخصیت | |
| ڄمݨ | 25 جولائی 1946ء (79 سال) |
| رہائش | گورنر ہاؤس لاہور (سرکاری) |
| شہریت |  پاکستان
|
| نسل | بلوچ |
| مذہب | اسلام |
| جماعت | پاکستان پیپلز پارٹی پارلیمنٹیرینز (1970–21 ستمبر 2023)[١]
پاکستان تحریک انصاف (17 دسمبر 2023–)[٢] |
| عملی زندگی | |
| مادر علمی | گورنمنٹ کالج یونیورسٹی لاہور |
| کم | سیاست دان ، وکیل |
| ماء ٻولی | اردو |
| پیشہ ورانہ زبان | اردو |
| وزیر اعلیٰ پنجاب | شہباز شریف |
درستی - ترمیم 
| |
سردار لطیف کھوسہ (ڄمݨ: 25 جولائی 1946ء) پنجاب دے سابقہ گورنر ہن۔
ابتدائی زندگی
[لکھو | ماخذ وچ تبدیلی کرو]سردار لطیف احمد خان کھوسہ 25 جولائی 1946ء کوں جنوبی پنجاب دے علاقے ڈیرہ غازی خان وچ پیدا تھئے اتے طالب علمی دے دوران ہی سیاسی زندگی دا آغاز کیتا اتے پنجاب یونیورسٹی لا کالج دے صدر بݨے۔ انہاں وکالت دے نال نال وکلا سیاست وچ بھرپور حصہ ڳھدا۔
وکالت
[لکھو | ماخذ وچ تبدیلی کرو]سردار لطیف کھوسہ ترائے واری ہائی کورٹ بار ملتان بنچ دے صدر منتخب تھئے اتے ملک وچ وکلا دی سب توں وݙی نمائندہ تنظیم پاکستان بارکونسل دے ترائے واری رکن چݨے ڳئے۔ سنہ ݙو ہزار وچ لطیف خان کھوسہ نے سپریم کورٹ بار دے سابق صدر حامد خان دے پروفیشنل گروپ توں علیحدگی اختیار کریندے ہوئے انج گروپ بݨایا جینکوں بار دی سیاست وچ کھوسہ گروپ دے ناں توں سُنڄاݨا ویندا ہے۔ لطیف کھوسہ نے سپریم کورٹ بار دا الیکشن وی لڑیا پر اوہ وکیل رہنما حامد خان توں ہار ڳئے۔
سیاسی وابستگیاں
[لکھو | ماخذ وچ تبدیلی کرو]پیپلز پارٹی
[لکھو | ماخذ وچ تبدیلی کرو]سردار لطیف کھوسہ پیپلز پارٹی دی وکلا تنظیم پیپلز لائیرز فورم پاکستان دے صدر وی رہے۔ سردار لطیف کھوسہ نے بینظیر بھٹو اتے آصف علی زرداری دے خلاف مقدمات وچ انہاں دی پیروی کیتی اتے ݙو ہزار ݙو دے عام انتخابات دے بعد اوہ پیپلز پارٹی دی طرفوں سینیٹر منتخب تھئے۔ پیپلز پارٹی دی مقتول سربراہ بینظیر بھٹو سابق فوجی صدر جنرل پرویز مشرف دے دور وچ اپݨی جلاوطنی دے بعد جݙاں لاہور وچ آئیاں تاں انہاں سردار لطیف کھوسہ دے گھر وچ قیام کیتا اتے ایں جاہ تے انہاں کوں نظر بند کر ݙتا ڳیا ہئی۔ اے بینظیر بھٹو دا لاہور دا آخری دورہ ہئی اتے اے نظر بندی وی انہاں دی زندگی دی آخری نظر بندی ہئی۔ 21 ستمبر، 2023ء - سیکرٹری جنرل پیپلز پارٹی نیئر بخاری نے لطیف کھوسہ کوں پارٹی پالیسیاں دے برعکس چیئرمین پی ٹی آئی دے نال مراسم دے بعد باقاعدہ پارٹی رکنیت اتے سی ای سی دی رکنیت معطل کر ݙتی۔
تحریک انصاف
[لکھو | ماخذ وچ تبدیلی کرو]17 دسمبر، 2023ء - سردار لطیف کھوسہ دی لاہور پریس کانفرنس وچ اپݨے ٻئے وکلا ساتھیاں دے ہمراہ پاکستان تحریک انصاف وچ باقاعدہ شمولیت دا اعلان۔
وکلا تحریک
[لکھو | ماخذ وچ تبدیلی کرو]معزول ججاں دی بحالی اتے عدلیہ دی آزادی دے حوالے نال شروع تھیوݨ آلی وکلا دی تحریک وچ لطیف کھوسہ پیش پیش ہن تاہم اٹھارہ فروری دے انتخابات دے بعد پاکستان پیپلز پارٹی دے اقتدار وچ آوݨ دے بعد اوہ ایں تحریک توں علیحدہ تھی ڳئے جیندے تے انہاں کوں وکلا دی طرفوں نہ صرف شدید تنقید دا نشانہ بݨایا ڳیا بلکہ کجھ ڈسٹرکٹ بار وچ انہاں دے داخلے تے پابندی عائد کر ݙتی ڳئی۔