سردار فتح محمد بزدار

سردار فتح محمد بزدار
رکن پنجاب صوبائی اسمبلی
مدت منصب 2008 – 2013
معلومات شخصیت
پیدائش	سنہ 1939ء   ضلع ڈیرہ غازی خان
وفات	1 اپریل 2019ء (79–80 سال)  تونسہ
جماعت	پاکستان مسلم لیگ ق
اولاد	10 بشمول سردار عثمان بزدار
عملی زندگی
مادر علمی	جامعہ کراچی
پیشہ	سیاست دان

سردار فتح محمد بزدار، سابق وزیر اعلیٰ پنجاب عثمان بزدار دے پیو ہن۔ انہاں نے اپݨی ابتدائی تعلیم بارتھی توں حاصل کیتی۔ فتح محمد نے کراچی یونیورسٹی توں ایم اے انگلش کیتا۔ انہاں نے اپݨی سیاسی زندگی دا آغاز بلوچ ایجوکیشنل اسٹوڈنٹس (بی ای ایس) نال کیتا، جیہڑی بعد وچ بی ایس او بݨ ڳئی۔ اوہ 1963ء وچ ایں تنظیم دے صدر منتخب تھئے۔ 1985ء وچ جنرل ضیاء الحق دی مجلس شوریٰ دے رکن منتخب تھئے تے ضیاء الحق دے قریبی ساتھی بݨ ڳئے۔ بعد وچ اوہ 2002ء تے 2007ء وچ پی پی 241 توں مسلم لیگ (ق) دے ٹکٹ تے ݙو دفعہ ایم پی اے منتخب تھئے۔ انہاں دی وفات 2019ء وچ تھئی۔

سیاسی سفر

سردار فتح محمد خان بزدار 1982ء وچ اپݨے والد گرامی سردار عطاء محمد خان بزدار دی وفات دے بعد بزدار قبیلے دے چیف منتخب تھئے۔ ایں سال ہی صدر جنرل ضیاء الحق نے وفاقی مجلس شوریٰ بݨائی تے سردار فتح محمد خان بزدار کوں شوریٰ دا رکن بݨایا ڳیا۔ سیاست وچ ایہ انہاں دا پہلا قدم ہئی۔ 1985ء وچ ملک وچ غیر جماعتی بنیاداں تے انتخابات تھئے تے سردار فتح محمد خان بزدار صوبائی اسمبلی دے رکن منتخب تھئے۔ انہاں نے 1988ء، 1990ء، 1993ء تے 1997ء دے عام انتخابات وچ حصہ ڳھدا، پر کامیابی نہ مل سڳی۔ البتہ 2002ء تے 2008ء دے انتخابات وچ اوہ مسلم لیگ (ق) دے ٹکٹ تے پنجاب اسمبلی دے رکن منتخب تھئے۔ 2002ء توں 2008ء تک اوہ پنجاب اسمبلی دی سٹینڈنگ کمیٹی برائے مذہبی امور و اوقاف دے کنوینر وی رہے۔ 2013ء وچ انہاں نے سیاست کوں خیرباد آکھ ݙتا تے جنرل الیکشن وچ اپݨے کرائون پرنس (ولی عہد) سردار عثمان احمد خان بزدار کوں امیدوار نامزد کیتا، پر کامیابی نہ مل سڳی۔ البتہ 2018ء دے عام انتخابات وچ سردار عثمان خان بزدار نے نہ صرف صوبائی نشست تے کامیابی حاصل کیتی بلکہ ملک دے سب توں وݙے صوبے دے وزیر اعلیٰ وی منتخب تھئے۔ اپݨے پتر دی کامیابی تے وزیر اعلیٰ منتخب تھیوݨ تے سردار فتح محمد خان بزدار بے حد خوش تے مسرور نظر آندے ہن۔

ابتدائی حیاتی

سردار فتح محمد خان بزدار 1939ء وچ اپݨے آبائی علاقے بارتھی وچ ڄمیے ہن۔ انہاں نے ابتدائی تعلیم اپݨے آبائی علاقے توں حاصل کیتی جبکہ کراچی یونیورسٹی توں پولٹیکل سائنس وچ ایم اے کیتا تے کجھ عرصہ تک سرکاری ملازمت وی کیتی۔ سردار فتح محمد خان بزدار ہمیشہ اپݨے لوکیں تے علاقے نال جڑے رہے تے انہاں دے مسائل حل کرݨ دی کوشش کریندے رہے۔ دھیمے مزاج دے مالک سردار فتح محمد خان بزدار دا احترام انہاں دے سیاسی مخالفین وی کریندے ہن۔ یکم اپریل 2019ء کوں حرکت قلب بند تھیوݨ نال اوہ اپݨے خالق حقیقی نال ونڄ ملیے۔

وفات تے تدفین

وزیر اعلیٰ پنجاب دےپیو علاج کیتے ݙو ݙینہ پہلے لاہور آئے ہن، پر چیک اپ دے بعد اوہ تونسہ شریف واپس چلیے ڳئے۔ سردار فتح محمد بزدار دا جنازہ شام 4 وڄے تونسہ شریف تے 7 وڄے آبائی علاقے بارتھی وچ ادا کیتا ڳیا۔ انہاں کوں آبائی علاقے بارتھی وچ دفن کیتا ڳیا۔ انہاں دی یاد وچ ڈیرہ غازی خان وچ سردار فتح محمد بزدار انسٹی ٹیوٹ آف کارڈیالوجی دا سنگ بنیاد رکھا ڳیا ہے، جیہڑا انہاں دے ناں نال منسوب ہے۔