سردار خداداد خان گبول

سردار خداداد خان گبول کراچی دے وݙے زمیندار تے جاگیردار ہن۔ ایں وقت انہاں دے ٹٻر دے کول کراچی وچ ہزاراں ایکڑ زمین ہے۔ "خداداد کالونی" جیہڑی قائد اعظم محمد علی جناح دے مزار دے نیڑے واقع ہے، "مزار قائد" تے "قائد اعظم انٹرنیشنل ائر پورٹ کراچی" دی زمین خداداد خان گبول دی ذاتی ملکیت ہے۔قیام پاکستان دے بعد ہندوستان توں آوݨ آلے مہاجرین دے کول رہوݨ کیتے جاہ کائنس ہئی، خداداد کالونی دی زمین مہاجرین کوں رہوݨ کیتے انہاں نے مفت ݙتی جیہڑی ہݨ تک اتھائیں آباد ہن تے خداداد خان گبول کوں اڄ وی عزت تے احترام نال یاد کریندن۔

سردار نبیل احمد خان گبول دے مطابق سردار خان بہادر اللہ بخش گبول دے پتراں نے سپریم کورٹ وچ کیس داخل کیتا ہے کہ "قائد اعظم انٹرنیشنل ائر پورٹ کراچی" دا ناں "گبول ائر پورٹ" دے ناں نال تبدیل کیتا ونڄے۔ گورنمنٹ نے ہک موقع تے ایہ مؤقف اختیار کیتا کہ ایں زمین دی سرکاری قیمت ادا کیتی ونڄ سڳدی ہے، پر گبول خاندان نے ایہ پیشکش مسترد کر ݙتی تے آکھیا کہ اگر حکومت ایں دا ناں "گبول ائر پورٹ" رکھݨ تے آمادہ تھیوے تاں موجودہ ائرپورٹ دی زمین دی قیمت دے برابر سرکار کوں مزید قیمت ادا کر سڳدے ہئیں۔ ایہ ڳالھ وی سݨݨ وچ آئی ہے کہ ݙوجھے قبائل دی مخالفت دی وجہ توں حکومت نے ایں ائر پورٹ دا ناں برقرار رکھیا ہویا ہے۔