سرائیکی گلوکاریں دا کم قابلِ ستائش

سرائیکی گلوکار سارے ملک ءِ چ چھا ڳن، سرائیکی گلوکاریں او کم کیتے جو کہیں نہ کیتا ہوسے، اڄ پنجابی تے سندھی ڳاوݨ آلے وی سرائیکی ڳاوݨ تے مجبور ءِ ن، سرائیکی ڳاوݨ آلی دنیا ءِ چ عطاء اللہ خان عیسیٰ خیلوی دا آوݨ ہک انقلاب ہا، اوندے بعد ہر گوٹھ تے ہر وستی ءِ چوں ایویں فنکار نکل آئے جیویں مینھ وسݨ دے بعد روہی ءِ چ کھمبیاں نکل امدین۔ سرائیکی فوک دی دنیا ءِ چ سرائیکی فنکاریں اپݨاں لوہا منوا ڳھدے، پر کلاسیکل آلے پاسے توجہ دی لوڑھ اے، موسیقی دے استادیں تے اکیڈمیں دی لوڑھ اے، جھنگ تے میانوالی شعر و نغمے دی سر زمین اے، اتھاں دے فنکاریں نال مل تے نویں لائحہ عمل بݨاوݨ تے سرائیکی موسیقی کوں ودھاوݨ سانگے نویں آئیڈیاز دی لوڑھ اے۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء