سرائیکی کہاݨی وچ دیہاتی نمائندگی دی روایت

کہاݨی

حضرت آدمؑ کوں اللہ تعالی نے چکیݨی مٹی نال بݨا تے اوندے وچ روح پھوک ݙتی تاکہ کہاݨی ٹر پووے ول حکم مںݨ آلیں نیاز مند فرشتیں کوں فرمان جاری کیتا جو سارے ایندے اگوں جُھک ونجو لیکن فرشتیں دا ہک لیڈر نیک نمازی فرشتہ نہ جُھکیا تے اوں نیک نمازی کوں درگاہ ایزی اچوں عاق کر ݙتا گیا اوندے اعمال چٹ تھی گئے اوندے نمازیں آلے چارٹ تے لیکا پھیر ݙتا گیا اے ہک کہاݨی ہے ۔ بہشت وچ وقوعہ  تھی ڳیا آدمؑ تے الزام لگ گیا تے انہاں کوں بغیر شفاعت دے یک طرفہ کاروائی دے زریعے بہشت بدر کرݙتا گیا اے وی ہک کہاݨی ہے۔

حضرت آدمؑ  عرش  کنوں فرش دو کیویں تشریف گھن آئے اے وی ہک کہاݨی ہے کر ہ ارض تے حضرت آدمؑ دی رہائش ہک وکھری کہاݨی اے اینویں کہاݨی ٹر دی ہے۔

حوالہ

سرائیکی افسانے تے ناول وچ دیہاتی منظر نامہ، تحقیقی و تنقیدی مطالعہ (مقالہ نگار: صبیحہ منظور )  نگران مقالہ ڈاکٹر مقبول حسن گیلانی