سرائیکی وچ قرآن مجید دے ترجمے

ہک وݙے عرصے توں مختلف زباناں وچ قرآن مجید دا ترجمہ کیتا ویندا پئے تاکہ ہر مسلمان آپݨی مادری زبان وچ قرآن مجید کوں چنگی طریقے نال سمجھ سڳے تے اوندے اُتے عمل کر سڳے ہݨ تک کل 114 زباناں وچ قرآن مجید دا ترجمہ تھی چُکے تے انہاں وچ سرائیکی دا ناں وی شامل ہے ہݨ تک سرائیکی زبان وچ قرآن مجید دے 22 نسخے موجود ہِن۔

سب توں پہلا سرائیکی وچ قرآن مجید دا ترجمہ

سب توں پہلے سرائیکی زبان وچ قرآن مجید دا ترجمہ سائیں مولانا حفیظ الرحمٰن نے کیتا۔ اے ترجمہ سرائیکی زبان دے ریاستی لہجے وچ ہئی۔ اے ترجمہ انہاں اوں ویھلے کیتا جیہڑے ویلھے عسائیاں نے آپݨی کتاب انجیل دا سرائیکی زبان وچ ترجمہ کر تے بھاولپور وچ ونݙݨ شروع کر ݙتا اوں ویلھے انہاں سوچیا کہ اگر عسائی اینویں کر سڳدن تاں ولا اساں مسلمان کیوں نسے کر سڳدے ۔ ولا انہاں 1958 وچ پہلی واری قرآن مجید دا ترجمہ کر تے آپݨے چھاپے خانے عزیز المطابع بھاولپور توں چھاپ تے عام کیتا ۔

موجودہ دور وچ سب توں چنگا سرائیکی وچ قرآن مجید دا ترجمہ

موجودہ دور وچ سرائیکی زبان وچ قرآن مجید دا سب توں چنگا تے سوکھا ترجمہ سائیں پروفیسر دلشاد کلانچوی دا ہے جیہڑا تُساں پڑھ سڳدو تے آپݨی مادری زبان وچ قرآن مجید کوں سمجھ سڳدو۔

سرائیکی ترجمے آلے قرآن دی اشاعت

جھوک پبلشرز ملتان آلاں دی طرفوں سرائیکی ترجمے آلے قرآن دی اشاعت دا کم جاری ہے جلد سرائیکی ترجمے آلا قرآن مصحف دی صورت وچ آ ویسے تے ہر کوئی اونکوں پڑھ سڳسے۔

جھوک پبلشرز آلاں دا رابطہ نمبر:03276958965

سرائیکی ترجمے آلے قرآن دی ریکارڈنگ

ہک یوٹیوب چینل نے مکمل سرائیکی ترجمے آلے قرآن دی ریکارڈنگ کروائی ہے تساں اُتھاں ونڄ تے قرآن دا سرائیکی ترجمہ سݨ وی سڳدو۔