سرائیکی وسیب وچ ریڈیو ٹیلی ویژن
کہیں وی علاقے دی سماجی ، ثقافتی تے کاروباری حیثیت کوں اُچا کرݨ واسطے ہک وی ٹیلی ویژن اسٹیشن کائنی ۔ سارے وسیب وچ صرف ترائے ریڈیو اسٹیشن ہن ، انہاں وچوں ملتان ریڈیو اسٹیشن وڈا 120 کلو ہرٹز تے بہاولپور تے دیرہ اسماعیل خان اوندے ٻچونگڑے یعنی صرف 10 کلو ہرٹز پاور دے ہن ۔ رحیم یارخان ، جھنگ تے دیرہ غایز خان دے منظور شدہ ریڈیو اسٹیشن ٻئے پاسے لا ݙتے ڳن ۔ ریڈیو ملتان توں ایف ایم ریڈیو دی مشینری اکھاڑ گھدی ڳئی اے ۔ حکومت ایں پاسے توجہ کرے ۔
وسیب وچ ریڈیو اسٹیشن
1۔ ملتان
2۔ بہاولپور
3۔ دیرہ اسماعیل خان
ریڈیو پاکستان اسلام آباد دے Listners گولڑہ شریف توں گھن تے کندیاں جنڈ، بسیال ، چکڑالیہ میانوالی ، دیرہ اسماعیل خان ، دریا خان ، پنڈی گھیپ ، تک سرائیکی ہن ، پر او پنجابی پروگرام تاں چلیندے سرائیکی نی چلیندا ، ایویں فیصل آباد ریڈیو دے لسنرز جھنگ ، تحصیل سمندری ، چنیوٹ تئیں سرائیکی ہن ، ایویں خود فیصل آباد دے قدیم باشندے جنہاں کوں پنجابی حضرات جانگلی سݙیندن ، سب سرائیکی ہن مگر فیصل آباد والے سرائیکی پروگرام نی چلیندے ۔ جݙاں جو بہاولپور تے ملتان ریڈیو دی رینج وی پنجابی دا کوئی خطہ زمین کائنی ، اتھاں ڳاوݨ چلائے ویندن ۔
ٹیلی ویژن بوسٹر
٭ شجاع آباد ٭ جمال دین والی
٭ جمن شاہ ٭ ملتان
حوالہ
[لکھو | ماخذ وچ تبدیلی کرو]معروف سرائیکی لکھاری سئیں ظہور احمد دھریجہ دی کتاب (سرائیکی وسیب) وچوں چوݨ