سرائیکی وسیب دی معدنیات

سرائیکی وسیب دی زمین جتھاں اساکوں اہم ترین فصلاں ݙیندی اے ‘ اتھان ایندے اندر وی بے پناہ خزانے موجود ہن ، جیویں جو دیرہ غازی خان دے پہاڑ سونے توں ہزار گنا مہانگی یورنیم حکومت حاصل کریندی ہے ، پر انہاں پہاڑیں تے ٻکریاں چراوݨ آلے سرائیکی دھرتی واس پیروں راݨے ہوندن، یورنیم دے علاوہ ٻیاں وی اہم چیزاں پیدا تھیندن ، جنہاندی تفصیل اے ہے:

یورنیم

گندھک

تیل گیس دے وسیع ذخائر

بھاری پاݨی

ایلومینم

سرخ پتھر سنگ مر مر دے مقابلے دا پتھر

چونے دا پتھر

کولہ

لوہے دے ذخائر

جپسم

شیشہ

اعلیٰ ترین سیمنٹ آلی مٹی

اب لغ

سنگ مر مر پتھر

دیگر کئی معدنیات ملدیاں ہِن

سرائیکی وسیب دی زرعی پیداوار

سرائیکی وسیب بنیادی طور تے زرعی ریجن ہے ، اے علاقہ ملک کوں زرعی پیداوار اناج ، پھل تے گوشت دے مجموعی پیداور 70 فیصد مہیا کریندے پر اِتھاں دے واسیاں دے اپݨے ٻال بُکھے ہوندن ۔ وسیب دی پھُٹی ٻاہرلے ملکیں ونڄ تے قیمتی زرمبادلہ حاصل کریندی اے پر وسیب دے لوک لنڈا خرید کرݨ توں عاجز ان ، سرائیکی خطہ زرعی ریجن ہووݨ دے باوجود حکومت زرعی یونیورسٹیاں ٻاہر بݨائن ، کیا اساݙے ارباب اختیار انہاں مسئلیاں تے غور کریسن جو اتنی پیداوار ݙیوݨ آلے علاقیاں کوں محروم رکھݨ جائز اے ؟

حوالہ

معروف سرائیکی لکھاری سئیں ظہور احمد دھریجہ دی کتاب (سرائیکی وسیب) وچوں چوݨ