سرائیکی وسیب دی ثقافت
سرائیکی ثقافت:ثقافت کہیں وی قوم دے گروہ دی سنجاݨ ہوندی اے ایندے نال پتہ لگدے جو اْوقوم کیویں حیاتی گزریندی اے کیویں رہندی اے کیا کھاندی پیندی اےاوندیاں رسماں ریتاں کیا ہن۔ اوندے ویس ، غذادیاں عادتاں وغیرہ کیا ہن۔کہیں قوم دا ادب تے ثقافت اوندی میراث تے سرمایہ ہوندی اے بندہ وݙا ہووئے بھانویں چھوٹا غریب ہووئے بھانویں امیر پڑھیا لکھیا یا اݨ پڑھ ہووئے اونکوں اپݨی زبان کلچر اْتے ادب نال ضرور پیار ہوندے۔ اے ثقافت جغرافیائی ماحول ، موسماں تے زندگی دے طور طریقے دے مطابق وی ہوندی اے بعض ویلے وٹیندی رہندی اے۔ سرائیکی وسیب زیادہ تر میدان تے رتیلے علاقیاں دے وچ موجود اے اتے بعض لوک پہاڑی تے نیم پہاڑی علاقیں وچ وی رہندن۔ جغرافیائی ماحول دی تبدیلی دے نال وی رہݨ سہݨ ویس تے مجلسی آداب دا فرق پوندے ایں طرح اساں آکھ سگدے ہیں جو کہیں وی قوم دی ثقافت دے اجزا اے ہن۔
1. لباس: مردانے لباس ، زنانہ لباس، مرادنے گاݨہیں ، زنانیں گاݨہیں ۔
2. خوراک : ثرید ، سجی ، سُوبت، پرہندہ
3. زبان: گیت ، شادی دے ویݨ ، لولی، فصلیں دے گیت۔
4. رسم و رواج : جمݨ ، شادی اتے موت دیاں رسماں تے رواج ، ݙے گھن دا رواج وغیرہ۔
5. آرٹ دے پیشے: زراعت ، زیور سازی، ظروف سازی، اْکیڑ سازی۔
حوالہ
[لکھو | ماخذ وچ تبدیلی کرو]سرائیکی افسانے تے ناول وچ دیہاتی منظر نامہ، تحقیقی و تنقیدی مطالعہ (مقالہ نگار: صبیحہ منظور ) نگران مقالہ ڈاکٹر مقبول حسن گیلانی