سرائیکی وسیب دا تھل
سرائیکی وسیب دے سندھو سئیں یعنی دریائے سندھ دی سیدھ وچ ایندے پوادھی پاسوں دو آبہ سندھ ساگر تے پھیلے ہوئے ریگستان کو تَھل آکھیا ویندے ۔اے علاقہ دریائے جہلم تے سندھ دے وچالے کندیاں توں سیت پور تئیں ساڈھے سولہ ہزار مربع کلو میٹر رقبے تے مشتمل ءِ۔ایندا تانڑاں 190میل تے پیٹا70کلومیٹر گنڑیا ویندے ۔ایں خطے دا کجھ حصہ ضلع جھنگ،کجھ خوشاب،کجھ میانوالی اتے باقی اضلاع بکھر،لیہ اتے مظفر گڑھ وچ شامل ہن۔ماہرین طبقات الارض دے مطابق تھل قدیم زمانے وچ کوئی وڈا جل تے سمندر ہوسی جیڑھا ارضی تغیرات نال ریگستان بن گئے۔ماہرین اینکوں صحرائے بیکانیر دے مشابہ قرار ڈیندن تے ایندے نال تھل ،تھر تے چولستان وچ جغرافیائی گنڈھیپ پیدا کریندن
حوالہ
[لکھو | ماخذ وچ تبدیلی کرو]کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء