سرائیکی وسیب اچ حال دا رواج

سرائیکی وسیب اچ ‘‘ حال ’’ ڈیوݨ تے گِھنݨ دا رواج خاصا قدیم تے مفید اے۔ کوئی کہیں دے کولھ مہمان تھیوے تاں پہلے میزبان مہمان کنوں حال گِھندے تے ول خود حال ڈیندے جیندے اچ جملہ سیاسی سماجی، معاشی ، تجارتی تے روز مرہ ضروریات دی دستیابی دے حالات بیان کیتے ویندن تے آخر اچ مطلب دی گالھ کیتی ویندی اے۔ ایں طراں سرائیکی وسیب اچ معلومات دا تبادلہ تے خبریں دی ترسیل دا عمل جاری رہندے تے کوئی شخص ملک تے وسیب دے حالات توں بے خبر نی رہندا۔

حوالہ

سرائیکی افسانے تے ناول وچ دیہاتی منظر نامہ، تحقیقی و تنقیدی مطالعہ (مقالہ نگار: صبیحہ منظور )  نگران مقالہ ڈاکٹر مقبول حسن گیلانی