سرائیکی وزیر اعلٰی

اساڈا سرائیکی وزیر ادنٰی پنجاب

ڄیہڑے سرائیکی یوتھئے اے سمجھی ٻیٹھے ہن جو الیکشن دے سو ڄہاڑے بعد اساڈی پی ٹی آئی سرائیکی صوبہ تھالی ءچ رکھ تے وسیب کوں پیش کریسی اوندا سٹا نکل آیا سرائیکی صوبہ بݨ گیا خیر نال ول آکھدن جو تہاڈا وزیر اعلیٰ پنجاب لا ڈتے ٻیا کیا ہوے ہُݨ اُہو تہاڈا خیال رکھیسی .... اوں بھولے ݙاند دی واڳ چُھٹدے ءی آوݨ سیتی وسیب دا پہلا خیال اے رکھے جو " ڈھائی کروڑسرکاری پلاک فنڈ ءچوں خرچ کرتے پنجابی زبان دی ڈکشنری ست جلداں ءچ چھاپی ہس جیندی قیمت نو ہزار روپے ہے " سرائیکی وسیب دے لوکاں دے ٹیکس نال پنجابی زبان دی خدمت کریندا کھڑے ۔ ہُݨ سمجھ آونڄݨی چاہئیدی ء جو " جنوبی پنجاب صوبہ تے اوندی پنجابی زبان دا تحفظ تے مجوزہ صوبے ءچ پنجابی کوں بطور ابتدائی لازمی تعلیم " دراصل پنجابی زبان پنجابی قوم تے پنجابی کلچر دی خدمت کرݨ مقصود ہا ۔شکر تھیا جو جنوبی پنجاب صوبے دی سازش اپݨی موت آپ مر گئی پر وسیب کوں سیاݨاں کر گئی جو ہُݨ ڄیہڑا " جنوبی پنجاب " دی بین وڄاوے دُردُر کرو ݙٹا ڈیوو۔ پر شرمیلے وزیرادنیٰ کنوں اے ضرور پُچھو جو تیکوں اپݨی ماء ٻولی "سرائیکی زبان دی ڈکشنری یاد نا ہئی جو رچھاݨی ءچوں قینچی گنگھی چاتے چوہدری دی حجامت کرݨ پُڄ گئیں او وی ڈھائی کروڑ روبے دی۔ شہزادعرفان