سرائیکی نامہ

شوکت مغل دا تنقید ، لسانیات ، تے لوک ادب وچ نمایاں مقام ہے ۔ اُردو زبان تے مختلف علاقائی زبان دے ربط و اشتراک واسطے سرکاری سرپرستی وچ بلوچی نامہ ، پنجابی نامہ ، سندھی نامہ ، براہوی نامہ لکھیئے ڳئے جیندے وچ علاقائی زباناں دیاں ثقافتی ، علاقائی ، جغرافیائی اصطلاحات کوں اُردو وچ منتقل کیتا ڳیا پر سرائیکی کوں نظر انداز کیتا ڳیا ۔ مصنف نے بغیر سرکاری سرپرستی دے ایں کم دی تقلید وچ سرائیکی زبان دا سرائیکی نامہ لکھیا ۔ کتاب 10ابواب تے مشتمل ہے ۔ انہاں ابواب وچ سماجیات ، انسانیات ، قدرتیات ، حیوانیات ، لسانیات ، تفریحات ، زراعت ، امور خانگی ، اشیائے ساختہ دیاں اصطلاحات کوں اُردو وچ منتقل کیتا ڳئے۔پروفیسر ڈاکٹر مقبول گیلانی لکھدن: ’’جھوک پبلشرز ملتان دے بہترین کتابیں اِچ ہک کتاب سرائیکی نامہ ہے ۔ کتاب دے مصنف جناب پروفیسر شوکت مغل دے نال کتاب ناشر ظہور دھریجہ کوں مبارک ہووے جو انہاں کتاباں دی اشاعت اِچ ٻہوں قربانیاں ݙتن۔‘‘

حوالہ

ظہور احمد دھریجہ دی سرائیکی ادبی خدمات دا جائزہ (مقالہ نگار: شائستہ ظہور،بہاء الدین زکریا یونیورسٹی ملتان)  نگران مقالہ: ڈاکٹر محمد ممتاز خان کلیانی