سرائیکی مشاورتی کٹھ

سرائیکی مشاورتی کٹھ وچ کیتی گئی گفتگو جییندے اتے میڈے محترم اکبر خان ملکانی صاحب نے ہک افسانہ لکھیے اور میکوں بقول اکبر خان ملکانڑی غیر سرائیکی دا خطاب وی ملیے ۔ میں صرف ریکارڈ واسطے پوسٹ کرییندا پیاں تاکہ جیہرے دوست اتھاں موجود نہ ہن او سنڑ وی گھنن تے فیصلہ وی کرن ۔ شاید میڈی آواز رندھی ہوئ اے ۔ جیہرے لوگ میکوں ذاتی طور تے جانڑدن یا میڈے قریب ان انہیں کوں پتہ اے کہ میڈا لہجہ کڈاہیں وی اے نہی میں زندگی دے فیصلے ہمیشہ بہادری نال کیتن ۔ میڈے بارے مشہور اے کہ میں کڈاھوں نوکری توں وی نہی ڈریا ۔ میں فیسبک تے شئیر کرییندا پیاں جتھاں میڈے دوست میڈی فیملی میڈے کولیگز میڈے کاروباری پارٹنر وی ایڈ ان ۔ تاکہ اگر میں کوڑ ماریے تے سب دے سامنڑے آوے مگر میڈا خلوص میڈے واسطے تماشا بنڑایا گے ۔ میں ہمیشہ چیلنجز دا مقابلہ کیتے ۔ میں اینکو شئیر نہ کرنڑ چاہندا پیا ہم مگر سوجھل دے دوستیں دے مشورے نال شئیر کرییندا پیاں تاکہ سچ کوڑ دا نتارا تھیوے ۔ اگر ایندے توں زیادہ گال تھائ ہوے تاں سچ سامنڑے گھن آوسن ۔ میکوں پتہ اے کہ اکثر دوست چپ دا سہارا گھنسن ایندے اتے میں صرف افسوس کریساں ۔میکوں اے وی پتہ اے کہ نشانہ فیس بک تے ہمیشہ میں کیوں بنڑوایا ویینداں ۔ میں ملکانڑی صاحب دی پوسٹ دا لنک وی شئیر کریساں تاکہ سب کوں گال کلیر تھیوے ۔ دوست اے ذہن وچ رکھن اے صرف ہک ہال وچ مشاورتی کٹھ دی گفتگو ہائ نا کہ کوئ جلسہ یا اوپن کانفرنس ۔

تو پہلی بار بنا ہے سو اتنا حیراں ہے ۔ میں ایک ہجوم خداوں کا چھوڑ آیا ہوں ۔ میثم حیدر

(شاہنواز مشوری)