سرائیکی مزدوراں دا قتل
بکھ مرنڑ توں ترٹ مرنڑ ٹھیک ھے... اے ھک سرائیکی آکھانڑ ھئ پر ھنڑ وطن_بے روزگار دے سرائیکیں تربت اچ اپنڑے معصوم خون نال ایں آکھانڑ کوں امر کر ڈتے. رحیم یار خان دے 13 سرائکی شہداء دے والدین، بال ت پورا سرائیکی وسیب بائ ذنب قتلت پڑھدا کھڑے. کیا اساں بے حس عوام ت با اختیار حکمران صرف یکم مئ کوں مزدوریں دا عالمی ڈیہنوار منا کے ایں سانحے کوں بھل ونجوں؟ تخت_بہاولپور ھوۓ یا تخت_لاھور کیا صرف سرائیکیں دے خون نال تریہہ لہیسی؟ او معصوم بال جنہیں پیوء کوں جیندا بھیجا ھا او اج پیوء دا لاشہ ڈیکھ کے آنونڑ آلے دور اچ ملک واسطے چنگائ سوچیسن؟ کیا صرف جاگ سرائکی جاگ ت سرائیکی اجرک ڈے منا کے اساں انہیں دےخون دا خراج وصول کر گھدے؟ کیا اساں اج اقبال دےاوں خاب کوں جیکوں اساں نظریہ پاکستان سمجھی ودے ھیں ایں شعر دی تشریح بنڑنڑ واسطے چھوڑ ڈیوں؟
"جس کھیت سے دہقان کو میسر نہ ھو روزی
اس کھیت کے ھر خوشۂ گندم کو جلا دو".
(منصور شانی)