سرائیکی مزدوراں دا بلوچستان وچ قتل
ہݨ وقت ہے ساݙا جاگݨ دا
نہ جاگیے یار قدیر اساں ول روز باکݨا
۔۔۔۔۔۔۔۔۔۔۔۔۔۔۔۔۔آخر کݙݨ تئیں؟ قدیر شجاع آبادی
چیف آف آرمی سٹاف چیف جسٹس آف پاکستان صدر پاکستان وزیراعظم پاکستان وزیر اعلیٰ پنجاب ساݙے وسیب دے نام نہاد سیاست دان اساں صوبہ جنوبی پنجاب گھن کے اپݨے معصوم لوگاں کوں قتل کہنی کراوݨا ساکوں بہوں وݙا ݙکھ لگے کہ ہمیشہ ساݙے سرائیکی وسیب دے مزدوراں کوں کیوں ماریا ویندے ۔۔۔۔ ساݙا وسیب ھر بلوچی کوں۔۔ پٹھان کوں۔۔ سندھی کوں ۔۔ پنجابی کوں عزت و احترام دیندے ساݙے سرائیکی وسیب دے دی دھرتی تے اے لوگ اپݨاں آ کے کاروبار کریندن تے اپݨے بالاں دی روزی روٹی کمادن ۔۔۔۔۔ تے ساݙے وسیب دے مزدور انہاں دی دھرتی بلوچستان دے وچ قتل کر ݙتا ویندے ساکوں جنوبی پنچاب دے ناں تے صوبہ کہنی چاھیدا ساکوں ساݙا سرائیکستان دے ناں تے صوبہ چاھیدا ھے ساݙے بزرگاں سائیں ظہور احمد دھریجہ۔۔ ملک اللّٰہ نوازا وینس۔رانا فراز احمد نون۔تے انہاں دے سنگتیاں پہلے ھی آکھݨ شروع کر ݙتا ھئی کہ ساکوں ساݙا صوبہ سرائیکستان چاھیدا ھے ساکوں کݙݨ تائیں پنجاب دے ناں تے قتل کیتا ویسی جیڑے آہدن صوبہ جنوبی پنچاب ھووے او لوگ کتھا ھن انہاں کوں کہنی نظر آندا پیا ساݙے سرائیکی بھرانواں دا قتل
ساݙے وسیب دا کلرکہار
ساݙے وسیب دی دھاڑ ساݙے وسیب دے بالاں دا یتیم تیھوݨاں ساݙی ماواں دی جولی اجڑدی
ساکوں انصاف ݙتا ونجے جیڑے لوگ نعرہ لیدن صوبہ جنوبی پنچاب دا انہاں کوں میں ݙسݨا چاھنداں کہ اساں بھولے بھالے لوگ کݙݨ تئیں اپݨیاں دا لاشاں چیسوں ۔۔۔۔ چیف جسٹس آف پاکستان
تواکوں اساں سچ آکھوں تاں تساں ناراض تھیندے وے کݙائی تساں ایکشن گدے ساݙے سرائیکی وسیب دے لوگاں کیتے
چیف آف آرمی سٹاف
کیا تساں کݙائی آپریشن کیتے ساݙے وسیب دی معصوم تے مظلوم لوگاں دے انصاف کیتے
وزیراعظم پاکستان کیا۔ جناب اوراں کݙائی ساݙے وسیب دی دھرتی تے آ کے انہاں مظلوم شودے لوگاں کوں تسلی ݙتی ہے تے گل مال لائے وے اگر ایہوں لاھور اتے قتل تھیندے تے وزیر اعظم صاحب توڑ گے بیٹھے ہوؤں گا
وزیر اعلیٰ پنجاب مریم نواز صاحبہ اگر تواکوں ٹائم مل ونجے تاں تھوڑا جیا ساݙے وسیب دے مظلوم شودے بھرانواں کیتے ٹائم کھݙ کے آویسو تے انہاں کوں انصاف ݙیسو
تے ساݙے وسیب دے نام نہاد سیاست دان تساں تان وسیب دا ݙکھ سمجھدے وے تساں اسمبلی حال ءچ احتجاج کرو تے اپݨاں حق گھنو گونگے بہرے بݨ کے نہ ودے راھوو
ساکوں صوبہ جنوبی پنجاب کہنی چاھیے دا ساکوں ساݙا سرائیکستان چاھیدا ھے اساں مزید اپݨے بالاں کوں قتل کہنی کراوݨا
ساݙا ان اناج ساݙے فروٹ ساݙے مزدور ساݙی کݨک ساݙے واڑ ھر شئے ساݙے سرائیکی وسیب دی تواݙے کول ویندی ہے تے تساں ساکوں اوندے بدلے لاشاں ݙیندے وے تساں اوندے بدلے ساݙے بال یتیم کریندے وے تساں اوندے بدلے ساݙیاں ماواں دیاں جھولیاں خالی کریندے وے تساں اوندے بدلے ساݙی دھرتی کوں رویندے وے تساں اوندے بدلے ساݙیاں نیاݨیاں کوں رویندے وے تساں اوندے بدلے ساݙی دھرتی کوں خون وچ لے پت کریندے وے
آخر کݙݨ تئیں تساں ساݙے مزدوراں تے ظلم کریندے راھسو تے ساݙے بالاں کوں رت دے نیر رویندے راہسو
ہݨ ظلم دا دور مک ویسی سب چور چکار وی لک ویسی
قدیر شجاع آبادی