سرائیکی ماہیے
سرائیکی زبان وچ لکھاں ماہیے ہن،
ماہیے
[لکھو | ماخذ وچ تبدیلی کرو]١۔ جوڑا پکھیاں دا۔۔۔ !
ڈس کون بھر سگدے مل تیڈیاں اکھیاں دا
٢۔ ساری ڳڈیاں وے روڈ ملے
میریاں بدنامیاں دے ہر جائی اُتے بورڈ لڳے
٣۔ ڳڈی روز چلاندے او
تازیاں زخماں تے کیوں لوڑ وے پاندے او
٤۔ کوئی پاننڑی وے میں پہر لیساں
کلیاں نہ چھڈماہیا رُل رُل کے مر ویساں
٥۔ خط پاواں وے ٹہوکاں نوں
دکھڑے او سجنڑاں دے پئی دسنی آں لوکاں نوں
٦۔ منج ڈوڳی او چر دی اے
تیری بے قدریاں دی ڳل دنیا پئی کردی اے
٧۔ کوئی او نیلا وے تھوم ہوندا
لڳے آ چوٹ تداں فیئر قدر ملوم ہوندا
٨۔ کوئی بوٹا وے بڑ لایا
یار غریباں دا کسی ظالم وے لڑ لایا
٩۔ کوئی بوٹاں دے چھک تسمے
اتوں اسی ہسنےآں وچوں روندا اے دل قسمے
١٠۔ چاندی دا وے ڳز ماہیا
دکھیاں دا دل رکھنڑا مکے دا حج ماہیا
١١۔کوئی کالا وے پا چولا
کدے پردیسیاں اتے تو پھل وی وسا مولا
١٢۔ کوئی کالا داند ہوسی
تساں دیاں لکھ قسماں ساڈی ہکا زبان ہوسی
١٣۔ کوئی سڳرٹ سڑ ڳئی آ
غیراں بچ بہہ بہہ کے ڳُڈی ڈھولے دی چڑھ ڳئی آ
١٤۔ رتے لال پراندے نی
سوہنڑے وے اج کل دے نئیں لمیاں وے لاندے نی
١٥۔ کوئی پہڑولے وے فصلاں دے
توڑ نبھا دیندے جیہڑے چنگیاں نسلاں دے
١٦۔ کوئی کنڈے وے جریب ہوندے
رل کے مر ویندے جیہڑے یار غریب ہوندے
١٧۔ منہ دکھنڑ پیاراں دے
ہک واری مل ماہیا خالی پُکھے وے دیداراں دے
١٨۔ کالی چادر بننے او
ہک اسں دکھی کرکے دوجا کنڈ کر لنگنے او
١٩۔ کوئی چولا وے سی درزی
رج کے تباہ کیتا ای جیویں غیراں دی ایہی مرضی
٢٠۔ کہا کپنی آں راہ کرکے
راہ بچ قبر کرو ماہیا لنگے وے دعا کرکے
٢١۔ کوئی ٹالھی چھاں آلی.!
جدوں سڄݨ چھوڑ ون٘ڄے, سٹ لڳدی اے هاں آلی
٢٢۔ کوئی کالے کاں ماہیا
ٹر ڳیاں سجناں دے
بھل وہیندے ناں ماہیا
٢٣۔ تھالی پھری اے کباباں دی
تُوں پُتر منشی دا میں دھی آں نواباں دی
٢٤۔ چھناں پھریا کباباں دا
عشق وچ فرق نئیں منشی تے نواباں دا
٢٥۔ ݙو پَتر اناراں دے
ساݙا ݙکھ سݨ سݨ کے
روندے کھوتے کمہاراں دے
٢٥۔ ساوی سر ماہیا
اساں تیݙے نوکر ہیں توں حکم تاں کر ماہیا
٢٦۔ ساوے گھا ماہیا کوڑے دے منہ
دے وچ ہوندی مٹی تے سوہا ماہیا
٢٧ ۔ کوئی اڈدا کاں ماہیا
ہک واری فون چا کر تن رب دا ناں ماہیا
حدوں توں آ ملسئیں گل بݨسی تاں ماہیا
حدوں توں ماہی نظر آوایں، ہوسی اکھاں اتے چھاں ماہیا
٢٨۔ بجھ گئ بجلی گئ گلیاں دی لو ماہیا
اکھیاں ترس گیاں ذرا سامنڑیں تے ہو ماہیا
٢٩۔ کوئ ساوی ونگ ماہیا کوئ ساوی ونگ ماہیا
ساڈے نالو ڈھول خفا اساں زندگی توں تنگ ماہیا
٣٠۔ پاݨی تھل ماہیا
مدتاں گزرگیاں ہݨ وطن تےول ماہیا
٣١۔ سونے دا کل ماہیا
بہار پئی آندی ہے
میکوں ہݨے ہُݨے
مل ماہیا
٣٢۔ تیݙی راہ بھلیندیں میݙا ماہیا، ݙین٘ہ لیہہ ڳئے سارا
٣٣۔ گھوڑے دیاں راساں نئ
وطناں تے ول ماہیا
ساکوں تیڈیاں آساں نی
٣٤۔ ٹوڈی کار چلائی وطنئیں
کر کے برباد ساکوں غیراں نال نبھائی وطنئیں
٣٥۔ گڈیاں دے دھوں ماہیا
نقشاں دی میں سوہنی وے چٹے رنگ دا ایں توں ماہیا
٣٦۔ کوئی وے موڈھے تے لوئی ماہیا
جیوے چن میں اوجڑا، شالا اوجڑے نہ کوئی ماہیا
٣٧. #تلوطنی
پردے وسلاں دے
توڑ نبھاویندے بندے چنگیاں نسلاں دے
٣٨ـ #تلوطنی
ہتھہیں لال رومال ہووے
شریک شریک ہوندا بھان٘ویں نکا جیہا بال ہووے
٣٩۔ کوئی گنبد مسیتاں دے
پکی ٹھکی ڳالھ ہے پئی ، صلے ملدن نیتاں دے
خرم دے ماہیے
[لکھو | ماخذ وچ تبدیلی کرو]- کوٹھے تے پُھل سُکدے
اندروں بیمار پیآں
ٻاہروں جندڑی دے مُل چُکدے
- پاݨی پیون دا
مار کے سٹی ویندیں
نِوھی رکھیا جیوݨ دا
- پاݨی پیوݨ دا
ہُݨ ماہی مار سٹیو
نمھیں آسرا جیوݨ دا
- حُقہ چِھکدی ہاں
ݙُکھ ، سُکھ سڄݨاں دے
ٻیٹھی ہاں تے لکھدی ہاں