سرائیکی قوم دی بیداری

سرائیکی قوم کوں جگاوݨ واسطے پہلے انھیں دے اندر دا غلام مارنڑاں پوسی اساں حالی تک معزور قوم ہیں جیرھی بغیر آسرے دے سہارے دے ٹُرنڑ نیں ِسکھی ایانڑے بال وانگوں جئیں انگل پکڑائ ھے نال تھی پئے ہئیں ایں گلہپ دا نتیجہ اج نویں نسل بھگتیندی پئ ھے ، جتناں ساڈے وسیب دے سردار چالاک تے مکار ہَن اُتناں ساڈے دانشور ادیب تے شاعر سادے ہن انھیں لوکیں کوں چاھیدا ھا جو حق دا رستہ ڈسن ھا سجاک کرن ھا انھیں خود کہیں سیاسی پارٹی دا آسرا گھن کے انھیں دی غلامی دا درس ڈیونڑ شروع کر ڈتے ستم ظریفی ڈیکھو ہک اللہ لوک شاعر تاں سخی شہباز قلندر کوں بھٹو مرحوم نال ملا کھڑائے ،انھیں دا مصرعہ اے ھے ہک سیونڑ سخی ڈُوجھا گڑھی وو گڑھی ، جڈاں میں انھیں لوکیں کوں غور نال ڈیھداں میکوں لگدے جیویں اساں نکے ویلھے ریل گڈی کھیڈدے ہاسے ہک بال انجن بنڑ ویندا ہا ڈوجھے بال اوندے چولے کوں پچھو نپ کے پوکدے ویندے ہن کجھ ایھا کھیڈ ایں سادے طبقے نال تھئ ہے کجھ مفاد پرست جڈاں کہیں سیاسی پارٹی ءچ شامل تھئین بنھیں بغیر سوچے سمجھے اوندا چولا نپ کے ریل گڈی ءچ شامل تھی گئین ، میں جڈاں وسیب دو ڈیھداں چولستان دی ریت پچھدی ھے جیرھی پارٹی نال پیار ہئ جئیندے مُردہ وی زندہ سمجھی ودیں اوں میڈے صحرا واسطے کیا کیتے میکوں لگدے میں مجرم ہاں چولستان دا، جڈاں دید مرینداں تسی روہی تے پیر فرید دی روہی تیں تساں مال نظردے اُو اُتھ تے ڈاچیاں مویاں نظردن جیرھاں پیر فرید دی کافی ءچ جھمراں مریندیاں ہن اُو جٹی لُٹی نظردی ھے جیرھی مٹی کھیرکیندی ھئ ،میں شرمسار ہاں پیر فرید کنیں ، دامان سوال کریندے جیرھے شیر کوں مونڈھے تے چئ رکھی اُوں شیر میڈی ہر خوشی کھادی ھے میڈے لال کھا گئے تیڈے پتر کوں بُکھا ننگا کر کے آپڑیں شہر تے آپڑیں بالیں کوں سُدھار گئے تیڈی غلامی دے بدلے میکوں تباہی ملی ھے اُوندے نال پیار کرنڑ توں پہلے میڈے وسبے تے دید ماری ھووی ہا بیر تے ڈیلھے کھاء کے گزارا کرنڑ آلیں بالیں کنیں وی شرم نہوی آئ ، نویں ڈُگڈی تے تیں نچنڑ آلے وسیب پچھدے ہر دے بنڑیے ھاؤ میڈے کڈاں بنڑسوں کڈاں سہارے چھوڑیسو صرف ہک دفعہ کٹھے آزان ء بلالی ڈے ڈیکھو سجھ نکلنڑ دی قسم میں چئینداں ،،،،،جمیل حیدری