سرائیکی صوبے دی مخالفت تے ایندی وجوہات

سرائیکی صوبہ دی مخالفت چند بے سود مثالاں ڈے کے کیتی ویندی ھے مثلاً اساں بلوچ ہئیں ، میں اے پچھدا کیا سندھ ءچ راھنڑ آلیں دی اکثریت بلوچ نئیں چانڈیو ،کھوسو،عمرانی،انھیں اج تک اے مطالبہ کیوں نیں کیتا کہ ساکوں بلوچستان ءچ شامل کیتا ونجے حالانکہ جیکب آباد بلوچستان دے چند قدم تیں موجود ھے ، بلوچستان دے ضلع سبی ءچ لکھاں سندھی موجود ہن او کیوں نئیں مطالبہ کریندے کہ سبی کوں سندھ ءچ شامل کیتا ونجے کے پی کے ءچ لکھاں پنجابی ہن انھیں دا مطالبہ وی بلکل کائینی آخر کیا وجہ ھے صرف سرائیکی صوبے دے ناں تیں گُڑدے لال تھیونڑ لگ ویندن کجھ وڈیرہ ٹائپ نام نہاد بدمعاش سردار انھیں آپڑیں چمچیں کوں ایں کم تے لایا ھوئے کہ اگر اے علاقے بلوچستان ءچ شامل تھی گئے ساکوں کھلی چھٹی ملسی بلکل انویں جیویں بلوچستان دے سرداریں کوں ملی ھے عقل دے اندھے زمینی حقائق توں ناواقف لوگ اے نئیں سمجھدے کہ بلوچستان دے بلوچ تھاکوں بلوچ تاں چھوڑو میراثی منڑ تے تیار کائینی ڈوجھی مثال اے ڈیندن کہ ساڈا رہن سہن کلچر بلوچیں نال رلدے بے وقوف لوک اے نئیں جانڑدے کہ بلوچیں دے ہر علاقے دا آپڑاں کلچر ھے ،ڈیرہ بگٹی آلے سفید پگ پئیندن نال وڈی شلوار ،مری قبائل اکثریت کالی پگ نال واسکٹ پئیندن بلکل انویں جیویں ہک نمونے دی ویڈیو اجکل چلدی پئ ھے، سبی دے بلوچ نہ پگ پئیندن نہ واسکٹ بلکہ انھیں دا رہن سہن سندھیں وانگوں ھے ،مچھ ءچ بلوچ بلوچی ٹوپی پئیندن ہتھ دی بنڑی ھوئ،کوئٹہ رلیا ملیا ماحول ھے ،پنجگور دے بلوچ صرف وڈی شلوار پئیندن ،جڈاں بلوچستان دے بلوچیں دا رہن سہن وکھرا ھے ول ساڈا رہن سہن مشترک کیویں ھے سمجھ توں باہر ھے ، تریجھی مثال کہ بندہ ابے دی قوم نال پرکھیا ویندے لہذا ماء بولی وطن وسیب کجھ نئیں پتہ نئیں انھیں دے ابے ماء بولی آپڑیں ءچ ڈاؤن لوڈ کرائ ھئ یا بلوٹوتھ دے زریعے سٹوائ ہس کیونکہ ماء بولی واسطے ماء دا ہوونڑ ضروری ھے بغیر پیؤ دے تاں پتر جم سگدے اماں دے بغیر تاں کجھ نئیں میڈے ویر سنجانڑو منافقیں کوں کُھل کے میدان ءچ آؤ میں آھداں اگر تھاکوں بلوچکی چھوڑنی پووے چھوڑ ڈیو اج وقت ھے آپڑیں ماء بولی آپڑیں وسیب آپڑی سنجانڑ بنڑاونڑ دا اگر سندھ دا بلوچ سندھی ،بلوچستان دا سندھی بلوچ ،سرحد دا آفریدی محسود،پٹھانڑ سڈیج سگدے تھاکوں سرائیکی سڈویجنڑ ءچ کیرھی موت ھے ،سرائیکی وسیب صرف سرائیکیں دا نئیں ہر وسیب واسی دا ھے آخر تیں نوجوان طبقے کوں سنیھا ھے ہر فورم تے یونیورسٹی کالج سکول ،آپڑیں ثقافت دے کلچر دے ڈینھ مناؤ،بنھیں قومیں وانگوں کھل کے میدان ءچ آؤ نتاں اگلیں نسلیں دے مجرم تھیسو ،،،،جمیل حیدری،، (٢٧ دسمبر ٢٠١٨ء)