سرائیکی زبان دا استحصال

سرائیکی قدیم زباناں وچوں ہک اہم زبان ہے۔ ایں زبان کوں زندہ رکھݨ تے فروغ ݙیوݨ کیتے تعلیمی اداریاں وچ سرائیکی دی کتاباں دا شامل تھیوݨ انتہائی ضروری ہے۔ سیکرٹری ہائر ایجوکیشن ڈیپارٹمنٹ پنجاب کوں چاہیدا ہے کہ اوہ ٹیکسٹ بک بورڈ کوں چھیویں جماعت توں گھن تے میٹرک تک سرائیکی زبان دیاں کتاباں چھاپݨ دا حکم جاری کرن۔ ایں طرح سرائیکی زبان دا استحصال روکݨ وچ مدد ملسی تے ایں زبان کوں زندہ رکھݨ دا کاز وی اڳوں تے ودھسی۔ سرائیکی زبان صرف زبان دا ناں کائنی بلکہ ایں دے نال ہک پوری ثقافت، تاریخ تے تہذیب جڑیل ہے۔ ایں زبان کوں تعلیمی نظام وچ شامل کرݨ نال نویں نسل کوں اپݨی ثقافت نال جڑی رکھݨ وچ مدد ملسی۔ سرائیکی زبان دے فروغ کیتے ایہ قدم ہک اہم سنگ میل ثابت تھی سڳدے۔ امید ہے کہ سیکرٹری ہائر ایجوکیشن ڈیپارٹمنٹ پنجاب ایں اہم معاملے تے فوری توجہ ݙیس تے سرائیکی زبان دے حق وچ فیصلہ کریس۔ اورنگزیب اورنگ بغلانی دامان علاقہ پچادھ چوٹی بالا