سرائیکی زبان تے ادب دا المیہ

دنیا دا ھر انسان اپنی ما بولی وچ بولن سکھدے، سوچن سکھدے، لکھن سکھدے لیکن ایکوں غیریں دا ظلم زیادتی آکھوں یا آپٹریں دا بھولا پن، پنجابی زبان دا رسم الخط بن گیا، کتاباں وی آ گیاں، کالج یونیورسٹی وچ وی استاد پڑھاونٹر لگ پئے، نہ بنٹریا تے ساڈی زبان دا رسم الخط نہ بنٹریا، نہ چھپیاں تاں ساڈی زبان دیاں کتاباں نہ چھپیاں، میڈا خیال ہے، ایندے وچ ساریں کنیں وڈا قصور اساں سرائیکی لوگیں دا آپڑاں ہے، تاں ایندا نتیجہ وی اج اساں سارے وسیب دے لوگیں دے سامنے ہے، اج ساڈے بال آپٹریں زبان بھلدے ویندن، ساڈے لہجہ وٹیج گئن، ساڈی لغت وٹیج گئے ہے، رسم الخط نہ ہوون دا ساریں کنیں وڈا نقصان اے تھئے جو اساں آپٹریں 3000 سالہ تاریخ، ادب، تہذیب، ثقافت، رسم و رواج بھل گئے ہیں، ساڈی لوگ داستاناں مٹی وچ رل گئین، ساڈے سوھنٹرے سرائیکی شاعر تاں انیں دی شاعری مٹی مٹی تھی گئی ہے، اج ساکوں کوئی پتہ کینیں جو ساڈے ھیرو کون ھن، ساڈے وسیب تیں کیڑھے خاندان حکمران رہ گئے ھن، اج ساڈے ہتھ وچ جیڑھیاں تھوڑی بہوں معلومات آپڑیں وسیب دے بارے ھن، او اساں ڈوجھے زبانیں کنیں گھدن سے، اج اگر اساں آپڑیں زبان، ادب، تہذیب دے بارے پڑھن چاھوں تاں ساڈی سرائیکی زبان وچ قسمت آلے کوں شاید کوئی شے لبھے، وقت دے نال نال انسان تاں مردے ھی ھن، زباناں، تہذیباں، رسماں، رواج تاں تاریخاں وی مر ویندن، سرائیکی زبان وی اج شاید ھون موڑ تیں کھڑی ھے، صرف سرائیکی زبان نیں کھڑی، اوندے نال لکھیں کروڑیں لوگیں دی قسمت وی کھڑی ہے، اج لوڑھ تاں این شے دی ہے جو اساں سارے مل کیں آپڑیں زبان دی ترقی واسطے کم کروں، تاریخ داناں دی ذمہ داری ہے جو اپنی سرائیکی وسیب دے تاریخ لکھن، جیڑھا تھوڑا بہوں بچ گئے، اوکوں سنبھالن، رسم الخط کوں ترقی ڈیون، شاعر آپڑیاں کتاباں چھاپن تاں ادیب، لکھاری وسیب دیاں پرانیاں تا نویاں داستاناں لکھن تاں انیں کوں آپڑیاں آون آلیاں نسلاں وسطے محفوظ کرڑن، دانشور بھرا ساڈے، زبان دان بھرا ساڈے اج سرائیکی زبان دی کوئی سوھنٹریں جیہیں لغت لکھن، سرائیکی زبان تاں وسیب نال پیار کرن آلے یار دوست رل کیں آن لائن اخبار، وب سائٹاں، یوٹیوب چینل بنڑاوِن، پٹھانے خان، عابدہ پروین، عطااللہ خان عیسی خیلوی، ثریا ملتانیکر تاں ڈوجھے سارے نویں پرانے زمانے دے موسیقاراں ، فنکاریں دے سرائیکی زبان تیں احسان ہے جو انیں سرائیکی زبان کوں ڈوجھی اوپری زبانیں کنیں بچاون تاں آپڑیں انجھ شاخت بنڑاون وچ وڈا اھم کردار ادا کیتے۔ اساں بھل نہ ونجوں امام حسینؑ دے غم وچ لکھیے تاں پڑھیے ویندے نوحہ تاں مجلساں کوں، اینیں وی سرائیکی زبان کوں بچاونڑ واسطے وڈا اھم رول تاں کردار ادا کیتے نیں، اج تخت لاھور آلے وی ساڈی سرائیکی زبان وچ مجلس تاں نوحہ سنٹرنڑ تیں مجبور ھن، ایکوں آھدن دنیا دی جیندی جاگدی زبان۔ کوشش تاں ساڈی اے ھوے جو اساں سرائیکی کوں پاکستان دی قومی زبان دا درجہ ڈیواؤں، کراچی کنیں گھن کے تاں گلگت تک سرائیکی سمجھی ویندی ھے، اگر اساں سارے وسیب آلے مل تاں کوشش کروں تاں اے خواب ھک ڈیں ضرور سچ ثابت تھیسی۔